I menjëhershëm ka qenë reagimi i një biznesi në qytetin e Fierit për familjen e varfër të dy binjakëve, pas transmetimit të kronikës në Report Tv.
 
Firma Krasniqi ju dhuroi fëmijëve një shume parash për të hequr shpenzimet e shkollës.
 
Dy binjakët nga Fieri që nuk kishin mundësi ekonomike për të blerë librat dhe çantën e shkollës, falë ndihmës modeste nga një biznes, të hënën do të shkojnë në shkollë si gjithë moshatarët e tyre të klasës së katërt.
 
Pas kronikës të transmetuar në Report Tv për varfërinë ku gjendej familja fierake, biznesmeni Saimir Krasniqi i shoqëruar nga mësuesi Ilirjan Gjika i dhuroi familjes nje shume parash.
 
 “Kjo familje, këta fëmijë të kishin një fillim normal të vitit shkollor dhe sëbashku me përfaqësuesin e firmës “Krasniqi”dhe unë si veprimtar shoqëror erdhëm për të mundësuar këtë ndihmë të vogël”, shprehet mësuesi Ilirjan Gjika.
 
Saimir Krasniqi i premtoi familjes se do ti ndihmojë vazhdimisht për të lehtësuar sado pak varfërinë e kësaj familje
 
Redaksia Online
Er.K/Shqiptarja.com