POP 5

Lajmet më të lexuara të 5 minutave të fundit

Sociale

Mjerimi përlotës në familjen shqiptare që mbijeton me 5 mijë lekë në muaj

Familja Llapushi në Somotinë të Pogradecit prej më shumë se 10 vjetësh vuan mungesën e një jetese normale. Në një shtëpi gati të rrënuar, ku çfarë bie jashtë hyn brenda. Jetesa ka qenë e vështirë për kryefamiljarin Adrian Llapushi si dhe bashkëshorten e tij Altinën. Çifti i bashkëshortëve kanë sjellë në jetë 3 vajza dhe një djalë, por shqetësimi i tyre më i madh është djali i tyre 10-vjeçar. Që prej lindjes ai është diagnostikuar me autizëm.

Të rrënuar moralisht dhe pa asnjë ndihmë jeton familja Llapushi në fshatin Somotinë të Pogradecit. Ardian dhe Altina Llapushi kanë 4 fëmijë, por shqetësimi më i madh i tyre është djali i cili është 10 vjeç dhe nuk është si të tjerët. Mjekët i kanë thënë se është me autizëm, madje i kanë sugjeruar edhe për trajtim me medikamente e shkollë speciale, por pamundësia ekonomike ka humbur çdo shpresë për dy prindit e 10-vjeçarit.

Shtëpia e tyre është në të rënë dhe shpresa e vetme për ta është vetëm tek zoti për të mos çuar ndonjë tërmet që çatia ti zërë poshtë.

Ky shqetësim ka bërë që Adriani të mos lëvizë asnjë moment nga banesa pasi vetëm ai mund ta mbajë në kontroll djalin e tij. Mundësitë për ta qetësuar me preparate mjekësore janë të pakta, pasi çmimi i tyre është shumë i lartë, e ajo çfarë duhet të bëjë Ardiani të shmanget nga punët e largëta për të qëndruar afër djalit të tij. E vetmja e ardhur për këtë familje janë 5 mijë lekë ndihmë ekonomike. Me ato mbahet gjallë e gjitha familja Llapushi prej 6 anëtarësh.

Kryefamiljarja apelon për një banesë të re, në mënyrë që edhe djali i tij të ndihet si fëmijët e tjerë, me shpresën se do të gjejë përmirësim në gjendjen e tij shëndetësore.

Familja Llapushi jeton në fshatin Somotinë, një fshat i thellë i rrethit të Pogradecit, ku edhe terreni i vështirë nuk e favorizon lëvizjen për të siguruar gjërat më minimale të një jetese më të mirë.

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Adelina: 13/02/2019 14:01

    Kur i trajtoni rastet sigurohuni qe ti merni mire informacionet

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça