POP 5

Lajmet më të lexuara të 5 minutave të fundit

Kultura

Mjeshtri botëror Zubin Mehta koncert gala në Opera! Dirigjenti për herë të parë në Shqipëri

Teatri i Operas dhe Baletit mirëpriti për herë të parë në një koncert gala “Ballkani i hapur” ikonën dhe mjeshtrin botëror të dirigjimit , Zubin Mehta. Për më shumë se 1 orë Orkestra Filarmonike e Serbisë, nën dirigjimin e maestros indian i dhuroi emocione të bukura publikut shqiptar.

Mjeshtri dhe legjenda ikonë e dirigjimit botëror me origjinë nga India, maestro Zubin Mehta erdhi për herë të parë në Shqipëri me një koncert Gala “Ballkani i hapur” në skenën e Teatrit të Operas dhe Baletit në kryeqytet.

Muzika klasike elitare botërore erdhi e luajtur nga Orkestra Filarmonike  e Beogradit në përvjetorin e 100 të themelimit të saj nën dirigjimin mjeshtrit Zubin Mehta duke i përcjellë emocione të ngrohta publikut shqiptar. ‘Virtuozët’ nga Serbia luajtën në kryeqytetin shqiptar si një aktivitet në kuadër të nismës politike për ‘Ballkanin e Hapur’.

Nën tingujt e violinës, violinçelit dhe instrumenteve frymorë për më shumë se një orë, repertorit të koncertit klasik gala nuk i munguan edhe “Simphonia nr 7, e brilantit gjerman Beethoven  dhe “Simfonia Fantastike” e kompozitorit të mirënjohur frances Hector Berlioz .

“Ballkani i Hapur” në Tiranë erdhi pasi performancës në Beograd dhe turi do të përmbyllet në qytetin e Shkupit, në Maqedoninë e Veriut.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça