Mjetet e tonazhit të rëndë kalojnë pranë shtëpive të tyre dhe u rrezikojnë jetën, banorët e Çërravës në Pogradec ngrihen në protestë

Dhjetëra banorë të Njësisë Administrative Çërravë në Bashkinë e Pogradecit, janë ngritur mëngjesi e kësaj të shtune në protestë kundër kalimit të mjeteve te tonazhit të rëndë përmes fshatit të tyre.

Bëhet fjalë për një kompani për përpunimin e gurit dhe granilit, e cila transporton ngarkesa të mëdha inertesh disa herë në ditë përmes këtij fshati.

Për banorët e Çërravës kjo situatë është kthyer tepër problematike pasi kamionët kanë dëmtuar rrugën e fshatit dhe rrezikojnë fëmijët gjatë kalimit të tyre.

Për protestën ka reaguar dhe administratori i kësaj njësie Olgër Ibi i cili deklaroi së ishte në dijeni të këtij problemi, ndërkohë theksoi se Bashkia e Pogradecit ka planifikuar në buxhet ndërtimin dhe rehabilitimin e kësaj rruge. Ndërsa për lëvizjen e kamionëve, Ibi shtoi se do te diskutohet me kompaninë për të gjetur një zgjidhje mbi itinerarin e përshkuar.

Fshati Çërravë është një nga vendbanimet me numrin më të lartë të banorëve në Pogradec. Rreth 2500 banorë preken nga problematika e rrugës kryesore të fshatit.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet