POP 5

Lajmet më të lexuara të 5 minutave të fundit

Kultura

‘Mokra N’fest’ mbahet për të katërtin vit radhazi në Pogradec! Vizitorët shijojnë gatimet tradicionale e muzikën popullore

Për dy ditë me radhë, në Pogradec, u organizua “Mokra N’fest”. Në edicionin e saj të katërt festa bëri bashkë banorë të zonës e vizitorë, të cilët u argëtuan me muzikë e valle popullore, por edhe duke shijuar ushqimet tradicionale të zonës.

Me qindra vendas e turistë u bënë bashkë në aktivitetin Mokra N’Fest, që u zhvillua për të katërtin vit në afërsi të urës së Golikut, një ndër atraksionet kryesore historike e kulturore të Pogradecit.

Ndryshe nga vitet e tjera, risia e këtij viti ishte shtrirja e aktiviteteve përgjatë dy ditëve duke shtuar edhe larminë e festimeve.

Në ditën e parë të festës u organizuan sporte të ndryshme ujore dhe gara muzikore e karaokeve në mbrëmje.

“Është viti i dytë që po e ushtrojmë këtë sport në lumin Shkumbin. Është një risi në zonën tonë. Ky sport ndërthur hiking, ecjen dhe lundrimin në lum”, tha një sportist,

Ndërsa në ditën e dytë artistët vendas shpalosën vallet popullore e këngët e krahinës. Por vend të rëndësishme zunë edhe gatimet tradicionale dhe kulinaria e zonës.

Për amvisat e zonës, kjo festë e kthyer në traditë promovon gatimet dhe prodhimet e tyre dhe u jep mundësi vizitorëve të ndryshëm që t’i shijojnë.

“Vij nga Leshnicë e Pogradecit, ku kam hapur një punishte tradicionale që punojmë brumëra në mënyrë tradicionale”, tha një amvisë.

“Jemi tre motra që merremi me centro, çanta. E kemi pasion këtë punë”, tha një tjetër.

Për pjesëmarrësit këto festa përveç se janë mbështetje për ekonominë e banorëve, i bashkojnë dhe me njëri- tjetrin.

“Më mirë sivjet se sa një vit më parë”, tregoi një zonjë.

“Kemi ardhur se jemi të moshuar, për qejf, të shohim të rinjtë e të reja”, tha një tjetër.

Kryetari i bashkisë Pogradec Ilir Xhakolli tha se “Mokran N’festë”, çdo vit do të organizohet në destinacione të ndryshme të me qëllim promovimin e traditave dhe zakoneve të gjithë krahinës.

“Kjo është një zonë me tradita të lashta, kulturore, patriotike. Mundohemi që me këto vesta të njohim qytetarët e Shqipërisë me vyrtytet e kësaj zone. Ne na bie për detyrë që të bëjmë atë rrugën që këta kërkojnë vazhdimisht”, tha Ilir Xhakolli, kryetar i bashkisë Pogradec.

Ky është viti i katër që kjo festë organizohet duke shtuar edhe numrin e pjesëmarrësve dhe vizitorëve.

SI.E./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça