Morata 'ndez' Juventusin, Barcelona 'manita' ndaj Ferencvaros, fitojnë Lazio dhe United (VIDEO-Golat)

Ndeshja e parë e Juventusit të Andrea Pirlos në Champions ka shkuar më së miri. Bardhezinjtë e kanë nisur me këmbë të mbarë aventurën në grupin G duke mposhtur në Kiev 2-0 vendasit e Dinamos. Ka vendosur dygolëshi i shënuar nga sulmuesi spanjoll Alvaro Morata.

Barcelona iu përgjigj italianëve me një “manita”. Katalanasit likuiduan hungarezët e Ferencvaros me rezultatin 5-1 duke marrë menjëherë kryesimin e grupit G falë golavarazhit. Autorët e golave ishin të ndryshëm duke filluar me Messin e Ansu Fati e për të vijuar me Coutinho, Pedri dhe Dembele. E vetmja notë negative ishte i kartoni i kuq i Pique që humb sfidën me Juventusin. 
13 vite pas herës së fundit në Champions dhe Lazio debuton si në ëndrra. Bardhekaltërit mposhtën 3-1 Dortmundin në ndeshjen e grupit F dhe marrin kryesimin. Immobile ,autogol dhe Akpa-Akpro nderuan ekipin italian ndërsa Haaland nuk u mjaftoi miqve .

Superparaqitje e Strakoshës ndërsa Klub Bryzh bëri surprizën duke fituar 2-1 në Rusi ndaj Zenitit.
Manchester United Parisin e ka si tokën e vet. Ekipi anglez e nisi me fitore fazën e grupeve të Champions duke mposhtur PSG-në 2-1 me golat e Bruno Fernandes dhe Rashford. Lajpcig siguroi një fitore të pastër 2-0 ndaj Basaksehir dhe kryeson grupin H.

Me dy barazime i mbylli ndeshjet e para grupi E. Chelsea dhe Sevilla nuk i bën dëm njëri-tjetrit dhe barazuan pa gola . Po në barazim por në shifrat 1-1 u mbyll dueli tjetër Rennes-Krasnodar./Përgatiti Andi Kapxhiu

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet që Basha e Berisha të garojnë me kandidatë të përbashkët në zgjedhjet e pjesshme vendore?



×

Lajmi i fundit

John

Vrasja për gjakmarrje në Lezhë, zbardhet dëshmia e autorit: Isha pajisur me armë prej 1 viti (por s'tregon kush ia dha pistoletën me mulli)! Çoi policinë në vendngjarje