POP 5

Lajmet më të lexuara të 5 minutave të fundit

Morata peng i Juves për te Barça, 'zonja' tenton 'martesën' me Icardin! Atalanta blen sulmues për 22 mln euro

Alvaro Morata mund të bashkohet me Barcelonën vetëm në rast se Juventus gjen sulmues. Për këtë bardhezinjtë po synojnë të kompletojnë transferimin e Mauro Ikardit nga Paris SH. Ndërkohë Atalanta ka mbyllur gjithçka për Bogan të cilin e ka blerë 22 milionë euro.

Juventus dhe Mauro Icardi duket se janë të destinuar për t’u martuar pas shumë e shumë thashethemesh. Me dëshirën e trajnerit Allegri pritet që klubi bardhezi të tentojë shumë shpejt për argjentinasin e Paris SG, që në Francë nuk e ka gjetur asnjëherë veteveten. Një avantazh për ‘zonjën’ nga Torino është fakti se Paris SG është e hapur për largimin e futbollistit, por problemi qëndron te Formula.

Francezët e kanë të nevojshme të mbledhin 100 milionë euro në merkaton e janarit, por Juventus kërkon vetëm huazimin. Kjo sepse bardhezinjtë synojnë merkaton e verës për të zgjedhur sulmuesin e së ardhmes, ndërsa Icardin drejtuesit e shohin si zgjedhje momentale. Në pritje të negociatave, nëse mbyllen me sukses, kjo marrëveshje i hap rrugën një tjetre.

Nëse Juventus merr Icardin atëherë ka premtuar se do të lejojë Morata-n të bashkohet me Barcelonën. Kjo sepse bardhezinjtë kanë vendosur të mos pagujnë 40 mln euro në fund të sezonit për të blerë përfundimisht spanjollin. Nga ana tjetër vetë Morata pëlqen shumë të transferohet te skuadra e drejtuar nga Xavi, por fillimisht Juventus duhet të gjejë një sulmues.

Të hënën ndërkohë, më 3 janar, Atalanta do të zyrtarizojë blerjen e Jeremy Boga nga Sassuolo për 22 milionë euro. Futbollisti ka kaluar me sukses testet mjekësore dhe pritet vetëm firma zyrtare kur të hapet merkato.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Drejt djegies së raundit të tretë, mendoni se PS duhet ta zgjedhë vetë Presidentin?

Lajme të tjera



×

Lajmi i fundit

John

‘Galaktikët’ pushtojnë sërish Europën, Reali kampion i Champions League për herë të 14

28 Maj, 23:33