POP 5

Lajmet më të lexuara të 5 minutave të fundit

Sociale

Mori lekët e pensioneve, pushohet
punonjësi i postës në Peshkopi

Një punonjës i Postës në Peshkopi ka marrë nga zyrat ku punonte 1 milionë lekë të reja. Prej tri ditësh Skerdilajd Hoxha ka tërhequr shumën e lekëve që ishin për pagesën e pensioneve dhe ndihmën ekonomike duke mos i shpërndarë ato dhe nuk është paraqitur në vendin e punës. VIDEO
Mori lekët e pensioneve, pushohet<br />punonjësi i postës në Peshkopi
Një punonjës i Postës në Peshkopi është denoncuar nga Posta e Shqipërisë, se ka marrë nga zyrat ku punonte 1 milionë lekë të reja. Prej tri ditësh Skerdilajd Hoxha ka tërhequr shumën e lekëve  që ishin për pagesën e pensioneve dhe ndihmën ekonomike duke mos i shpërndarë ato dhe nuk është paraqitur në vendin e punës.

Sipas Postës Shqiptare Skerdilajd Hoxha ka përvetësuar një pjesë të konsiderueshme të lekëve. Nga ana tjetër burime zyrtare të Policisë së Shtetit thanë se punonjësi i postës së Dibrës, dyshohet të jetë larguar në drejtim të SHBA-së.

Hoxha është  pushuar menjëherë nga puna si dhe për të është bërë kallëzim penal.

Nga ana tjetër, burime zyrtare të Policisë së Shtetit, thanë se Drejtoria Rajonale apo qëndrore e Postës së Dibrës, nuk kanë depozituar kallëzim, ndaj Hoxhës.

Ndërkaq sipas njoftimit zyrtar të Postës Shqiptare, veç Skerdilajd Hoxhës, Posta Shqiptare ka shkarkuar edhe drejtoreshën e degës në Peshkopi, shefen e financës dhe arkëtaren.

Menjëherë pas zbulimit të këtij rasti, Posta Shqiptare ka dhënë një urdhër për kontrollimin e të gjitha filialeve, për të zbuluar nëse ka abuzime të tjera.

Ndërkohë lekët që e pensionistëve dhe përfituesve të ndihmës ekonomike në Dibër do të kompesohen nga postat në ditët në vazhdim. Por nga ana tjetër burime jo zyrtare thanë se Hoxha, është larguar drejt SHBA-së, por se paratë nuk i ka marrë me vete.

Sipas të njëjtit burim, ato po shpërndahen në Dibër nga i vëlla i tij.

Redaksia Online
(M.Ç/Shqiptarja.com)
 

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Zgjedhjet në SHBA, mbyllen qendrat e para të votimit

Zgjedhjet në SHBA, mbyllen qendrat e para të votimit

6 Nëntor, 00:16