POP 5

Lajmet më të lexuara të 5 minutave të fundit

Sociale

'Mos e prekni Shushicën, mbrohet me ligj', banorët e Lumit të Vlorës thirrje Qeverisë: Anuloni projektin e ujësjellësit të Himarës

Banorët e Luginës së Lumit të Vlorës iu rikthyen protestave, duke kërkuar nga Qeveria të ndalë investimin për ujësjellësin e Himarës. Sipas tyre, futja e ujit në tuba do të sjellë tharjen e Shushicës, që është degë e Vjosës. Ky ujësjellës thanë protestuesit do dëmtojë bujqësisë dhe ekosistemin. 

Me pankarta në duar “mos e prekni Shushicën, mbrohet me ligj”, banorët e disa fshatrave që shtrihen përgjatë Luginës së Lumit të Vlorës dolën sërish në protestë. Për sa minuta ata mbajtën të bllokuar rrugën nacionale.

Banorët rishtazi kundërshtojnë ndërtimi e ujësjellësit të Himarës, depot e së cilit po ndërtohen pikërisht në vendin ku buron Shushica.

Mbështetur dhe nga organizatat e mjedisit, banorët thanë se ky ujësjellës do shterrojë lumin, do thajë tokat bujqësore si dhe do sjellë dëme në ekosistem, pasi Shushica është degë e Lumit Vjosë,  Park Kombëtar. Thirrjet e banorëve u drejtohen Qeverisë dhe Bankës Gjermane për Zhvillim që ka financuar këtë projekt.

Punimet për Ujësjellësin e Himarës kanë nisur një vit më parë nga Fondi Shqiptar i Zhvillimit si pjesë e Programit të Rehabilitimit të Ujësjellësve në Jug, me vlerë 44 milionë euro. Aktualisht po shtrohen tubat nga Lëpushka – burimi kryesor i Shushicës, drejt qytetit të Himarës dhe fshatrave të tjerë të vijës bregdetare.

R.D/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Juventusi largon kapitenin në janar, Danilo ka akord me Napolin

Juventusi largon kapitenin në janar, Danilo ka akord me Napolin

28 Dhjetor, 15:59