POP 5

Lajmet më të lexuara të 5 minutave të fundit

'Mos ji banal! Sado të përpiqem ty s'të arrij dot', Zguri e Biba ndezin rivalitetet në mbledhjen e KQZ-së

Kryetari i Komisionit Qëndror të Zgjedhjeve, Klement Zguri dhe nënkryetari Denar Biba kanë rindezur edhe njëherë rivalitetin mes tyre gjatë vendimmarrjes lidhur për mandatimin e Alban Zenelit në Kukës dhe Ligoraq Karamelos në Korçë.

Zguri- E firmos, vjen në tavolinë dhe thua krejt të kundërtën

Biba- Shiko, pse nuk thua faleminderit që të dhamë mundësinë të votosh ashtu siç dëshiron të votosh

Zguri- E di që ju dhe t'i lidhni duart që të mos votosh fare. Ju e keni dhe këtë natyrë. Pikë e zezë të shkulësh flokët

Biba- Vazhdon të mbetesh banal në gjithë këtë historin

Zguri- Sado të luftoj, unë ty nuk të arrij dot.

Ditën e djeshme në KQZ Denar Biba mbajti diskutime të gjata se zëvendësimet e deputetëve duhet të bëheshin nga fillimi i listës dhe pastaj të vijonin me vakancat në vend të dytë, të tretë apo me radhë. Ky propozim të hënën u kundërshtua nga Klement Zguri. 

Sot, teksa bëheshin zëvendësimet e qarkut të Korçës, Denar Biba propozoi që edhe pse nuk ishte plotësuar vakanca e parë, ajo e Valentina Dukës, të vijohej pa ndonjë problem me plotësimin e vakancës së dytë të Ervin Salianjit. 

Zguri ndërhyri, duke thënë se Biba po kërkonte sot të bëhej ajo që dje kundërshtoi fort, çka ndezi debatet mes kryetarit dhe nënkryetarit të KQZ-së. 

m.v./Shqiptarja.com
Komento