Moti i keq me reshje të dendura shiu, ka sjellë problemet e para në fshatrat  e Tepelenës.

Për pasojë, disa nga fshatrat e ish-komunës Luftinjë në Tepelenë, janë izoluar për shkak të rrëshqitjes së rrugës në zonën e Baltës së Kuqe, në afërsi të minierës së qymyrgurit.

Probleme ka patur edhe në aksin rrugor që lidh njësinë administrative me Memaliajn, ku mësohet se asnjë automjet nuk ka kaluar për shkak të gjendjes së rëndë të rrugës.