Moti i keq prej disa orësh në vend! Kavaja pa energji elektrike, në porte dhe aeroporte situata e qetë, ndërsa qarkullimi në akset rrugore vijon pa probleme  

Moti i keq prej disa orësh në vend! Kavaja pa energji elektrike, në porte dhe aeroporte situata e qetë, ndërsa qarkullimi në akset rrugore vijon pa probleme  

Moti i keq në vend

Reshjet e dendura të shiut që kanë përfshirë prej disa orësh të gjithë vendin kanë krijuar problematika me furnizimin me energji elektrike dhe ujë në disa zona, ndërsa në akset rrugore ka vijuar qarkullimi përpos rënies së gurëve dhe inerteve.

Ministria e Infrastrukturës dhe Energjisë njofton se në terren ndodhen të gjitha strukturat, për të vepruar në kohë ndaj çdo problematike që mund të shfaqet.

Referuar të dhënave nga terreni, situata paraqitet si më poshtë:

Furnizimi me energji elektrike:

Aktualisht janë 18 fidera jashtë funksionit, ku momentalisht problem paraqitet zona e Kavajës. Brigadat e Tensionit të Lartë kanë ndërhyrë në 15 linja 35kV dhe nënstacione, duke rikthyer energjinë në zona ku u shfaqën problematika. Linjat e  Hidrovorëve dhe institucioneve të rëndësisë së veçantë janë në funksion të plotë. Në linjat e transmetimit të energjisë dhe nënstacionet e OST situata paraqitet e qetë dhe pa problematika. Si pasojë e reshjeve ka pasur rritje të prurjeve në kaskadën e Drinit, ndërsa janë marrë masat për të mos pasur shkarkime. Situata në tre hidrocentralet paraqitet:

Fierzë: Niveli 266.43 m; Prurjet 200 m3/s

Koman: Niveli 172.55 m; Prurjet 240 m3/s

Vau Dejës: Niveli 74.40 m; Prurjet 30 m3/s

Akset rrugore:

Aktualisht në të gjitha akset rrugore të vendit qarkullimi kryhet normalisht, pavarësisht reshjeve të shiut që po vijojnë. Në terren ndodhen të gjitha grupet e punës duke bërë pastrimin e akseve nga rënia e gurëve apo inerteve, për të garantuar vijimin pa problematika të lëvizjes.

Furnizimi me ujë:

Në rajonin e Fierit, përkatësisht në stacionin e Kutës është shfaqur problem me elektromotorët e pompave ku ekipi po punon intensivisht për riparimin e tij sa më parë.  Në rajonet e tjera situata e furnizimit me ujë, si dhe impiantet e përpunimit të ujërave të ndotura, janë në kushte optimale.

Portet dhe aeroportet:

Në portin e Durrësit situata paraqitet normale në të 3 terminalet. Nuk parashikohen vonesa për tragetet në nisje.  Në portin e Vlorës situata paraqitet e qetë. Nuk ka kufizime dhe pezullim të anijeve të peshkimit dhe mjeteve të vogla lundruese, ndërkohë që anijet e transportit ndërkombëtar detar po vijojnë të operojnë normalisht. Në aeroportin ndërkombëtar “Nënë Tereza” dhe aeroportin ndërkombëtar të Kukësit, situata paraqitet e qetë dhe pa problematika.

M.T/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Hapësirat publike në bregdetin shqiptar, sipas jush janë:



×

Lajmi i fundit

Media spanjolle ‘Actualidad Viajes’: Zbuloni Shqipërinë, destinacionin evropian me bukuri të jashtëzakonshme

Media spanjolle ‘Actualidad Viajes’: Zbuloni Shqipërinë, destinacionin evropian me bukuri të jashtëzakonshme