Motrat Kendall dhe Kylie Jenner përfundojnë në gjyq për një palë veshje të brendshme

Motrat Kendall dhe Kylie Jenner janë hedhur në gjyq nga një kompani për kopjim.

“Klauber Brothers Inc”, një kompani 161-vjeçare, themeluar në Gjermani, që krijon dizenjo origjinale dantellash, të cilat përdoren për të brendshme dhe veshje të tjera  ngriti një padi kundër Kylie-t dhe Kendall-t, për shkak se kanë përdorur dy dizenjo të kompanisë.

Në padinë e  paraqitur në një gjykatë në Kaliforni, thuhet se dantellat janë përdorur në një palë të brendshme të koleksionit të Kylie-t.

Po kështu pretendohet se dantellat u përdorën edhe në një këmishë nate nga koleksioni Kendall x Kylie.

Në dokumente, të siguruara nga TMZ, theksohet se dantellat janë të njëjta.

Sipas tyre janë të njëjtët elementë, përbërja, kompozimi, paraqitja e formave.

Kompania kërkon të gjitha fitimet nga shitjet e produkteve të motrave Jenner.

Nuk është hera e parë që Kendall dhe Kylie paditen për kopje.

Në 2015-n, ato u paditën nga “Island Company” se vodhën frazën “Quit your job. Buy a ticket. Get a tan. Fall in love. Never return”.

Në koleksionin e tyre PacSun, shkruhej “Run Aëay. Fall in love. Never return.”

TAG:
• kylie jenner
• padi
• kopje
• gjyqi