POP 5

Lajmet më të lexuara të 5 minutave të fundit

Sociale

Mozaiku i Tiranës tërheq vëmendjen e turistëve gjermanë/Foto

Një grup vizitorësh gjermanë, të cilët pas një turi disa ditorë nëpër Shqipëri, destinacion të radhës kishin edhe vizitën pranë Mozaikut të Tiranës.
Mozaiku i Tiranës tërheq vëmendjen e turistëve gjermanë/Foto

Turistë gjermanë duke vizituar Mozaikun e Tiranës

Mozaiku i Tiranës, monumenti më i vjetër, monument kulture i kategorisë së I-rë është siti arkeologjik më i vizituar i qytetit. Një grup vizitorësh gjermanë, të cilët pas një turi disa ditorë nëpër Shqipëri, destinacion të radhës kishin edhe vizitën pranë Mozaikut të Tiranës.

Turistët u njohën me Trashëgiminë Kulturore të Qytetit të Tiranës dhe në veçanti me informacion në lidhje me mozaikun dhe objektet që ndodhen pranë tij.

Siti arkeologjik “Mozaiku i Tiranës”

Gërmimet arkeologjike nxorën në dritë një ndërtesë kulti, ku narteksi dhe naosi kanë dysheme të shtruar me mozaikë. Kisha e Tiranës paraqet një ndërtesë me aks gjatësor të orientuar nga veri-lindja që përbëhet nga nje sallë qëndrore (naos) dhe parasallës (pronaos).
Salla qëndrore është e shtruar me mozaikë përfundon me absiden gjysmërrethore në një nivel më të lartë se parasalla.

Ambiente të tjera u gjetën në anën veriore dhe anët e tjera të ndërtesës. Kemi të bëjmë me një ndërtesë të kthyer në një kohë të dytë në kishë, që kuptohet nga krijimi i parasallës, në mozaikun e të cilës ka simbole të kultit si kryqe, peshq e shpendë, ndërsa mozaiku i sallës ka më tepër dekor gjeometrik.

Kështu që kisha mund të datohet si e gjysmës së I të shekullit te IV, kur akoma nuk ishte formuar qartë tipologjia arkitekturale.

Mozaiku i Tiranës për nga ana e ndërtimit, materiali dhe teknika e përdorur i përket artit paleokristian. Mozaiku shtrohej mbi një shtresë që nivelonte kalldrëmin prej zajesh lumi duke përdorur llac gëlqere dhe pluhur tjegullash. Mozaiku i Tiranës është restauruar në vitin 1976./ata/

( Turistë gjermanë duke vizituar Shqipërinë dhe Mozaikun e Tiranës )

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça