POP 5

Lajmet më të lexuara të 5 minutave të fundit

Sociale

Mrekulli e natyrës, Rragami në Shkodër ‘thith’ turistët! Të huajt: Fantastike! Udhëtim me varka drejt Komanit e lumit të Shalës

Vetëm 13 km larg qytetit të Shkodrës, Rragami është kthyer në një vend të bekuar të turizmit, me vizitorë nga të gjitha vendet e Europës. Rruga e amortizuar për në Koman nuk ka penguar investitorët vendas të provojnë hapësira të reja me varka, duke i dhënë një tjetër hov zhvillimi. Turistë dhe sipërmarrës flasin për magjinë e këtij vendi kaq pranë Shkodrës.

Rragami, ky vend, mrekulli e natyrës dhe Zotit që gjendet vetëm 13 km larg qytetit të Shkodrës ka marrë një hov zhvillimi 3 vitet e fundit.

Falë dëshirës për të zhvilluar zonën, banorët dhe jo vetëm, kanë promovuar këtë pikë turistike, dukë bërë që sot të tërheq me mijëra turistë përgjatë gjithë vitit.

“Nuk është hera e parë në Shqipëri por në këtë zonë, është hera e parë që vij. Është shumë bukur këtu, gjithçka është e freskët. Njerëzit janë shumë të mirë, shumë miqësore. 

Po është hera e parë që vij këtu, njerëzit janë shumë të këndshëm këtu. Do të doja të vija këtu çdo ditë.

Është hera e parë që vij këtu, kam ardhur me të dashurën dhe me familjen time. Shqipëria ka ndryshuar shumë. Problemi më i madh këtu është se nuk paguajmë dot me kartë krediti. Njerëzit janë shumë miqësorë.

Unë jam nga Holanda, është hera e parë që vij. Natyra është fantastike, për të ecur, për të shijuar natyrën. Ky është vendi i dytë që vizitojmë, ishim në Shkodër, pastaj këtu. Njerëzit janë shumë miqësorë.

Vendi është i mrekullueshëm, kemi dy ditë që jemi në Shqipëri, kemi parë Shëngjinin, dhe tashmë po shijojmë vendin këtu. Po patjetër që do ja rekomandoj të gjithëve, njerëzit janë shumë miqësore”, shprehen turistët.

Listës së shërbimeve në zonë, tashmë i shtohet edhe udhëtimi me varkë, për në Koman zgjat rreth 60 minuta. Pamja që të ofrohet gjatë lundrimit është e jashtëzakonshme.

Amortizimi i rrugës së Komanit, nxiti sipërmarrësit vendas të krijojnë këtë linjë ujore për transportin e turistëve që duan të vizitojnë jo vetëm Komanin, por edhe lumin e Shalës.

Shumë pozitive transportin me varka e shohin edhe menaxherët e bizneseve të zonës, të cilët e kanë më të lehtë mbërritjen në destinacion.

Vizita mund të përqendrohet edhe në ishujt përreth, të cilët kanë histori qindra vjeçare.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu