POP 5

Lajmet më të lexuara të 5 minutave të fundit

Sport

'Mua po më ikën truri, jam tifoz me Anglinë'! Përjetimi i finales së madhe në 'Fan Zone Tirana', ironia e italianëve: It's coming Rome

Emocione të papërshkrueshme mes një atmosfere eletrizuese në ‘Fan Zonë Tirana’ u përjetuan mbrëmjen e kaluar për shkak të finales së kampionatit Europian. Në përfundim të sfidës tifozët italian ishin të papërmbajtshëm, ndërsa anglezët iu drejtuan shtëpive të mërzitur.

Një pjesë e mirë e këtij kampionati europian janë ndjekur edhe në ‘Fan Zone’ ku shumë tifozë kanë mbështetur ekipet e tyre edhe pse kjo dukej shumë e vështirë për shkak të pandemisë. Në përfundim të finales kishte tifoz të zhgënjyer, por edhe të lumtur.

E meritoi Italia fitoren?

‘Pak a shumë, unë jam tifoz i Anglisë. Penalltitë janë fat, janë fat. Donaruma është i mirë por jo dhe aq shumë,’-u shpreh një tifoz.

‘Nuk e meritoi Italia fitoren. Nuk e meritoi. Fati na ndëshkoi te penalltitë. Donaruma s’ishte i mirë fare, por na ndëshkoi fati. Mua po më ikën truri, sepse jam tifoz i flaktë me Anglinë,’-u shpreh një tjetër tifoz.

Ndërkohë krejt ndryshe paraqitej situata për tifozët e Italisë në ‘Fan Zonë’. Madje kishte edhe nga ata që bënin ironi.

“It’s coming to Rome, not in home,”-tha një tifoz, duke ironizuar kështu shprehjen shumë të njohur të anglezëve që "Kupa po vjen në shtëpi", aty ku dhe lindi futbolli.  

“Jam shumë i lumtur, e dija që do fitoj Italia. Të gjithë luajtën shumë mirë dhe për këtë erdhi fitorja. E merituan. Padyshim që Donaruma ishte më i miri,”-tha një tjetër tifoz.

Finalen e madhe të kampionatit Europian në sheshin Skënderbej në Fan Zonë e ndoqën sëbashku ambasadori i BE-së në Shqipëri Luiggi Soreca, ambasadori italian Fabricio Bucci, ambasadorja e Amerikës Yuri Kim, por edhe kryebashkiaku i Tiranës Erion Veliaj. Ndërkohë kryeministri Edi Rama e uroi Italinë përmes rrjeteve sociale.

Ne.k./B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57