Muaji i Shenjtë i Ramazanit, Rama shtron iftar: Islami thelbi i kësaj tryezë, një dhuratë pa kushte për njerëzimin

Me rastin e Muajit të Shenjtë të Ramazanit, kryeministri Edi Rama, bashkë me iniciativën edhe të bashkëshortes së tij Linda Ramës, kanë shtruar një darkë iftari. Pas dy vitesh pandemi, kryeministri Rama tha se është kënaqësi rikthimi në tryezën e iftarit, ndërsa falënderoi edhe gruan e tij Linda Ramën, duke e cilësuar atë si gjysma e tij më e mirë.

Me një fjalim të gjatë para të pranishmëve, kreu i qeverisë u ndal tek vlerat që përcjell feja në shoqëri pavarësisht besimin. ‘Islami është përveçse një fe e përqafuar nga myslimanët edhe një dhuratë për mbarë njerëzimin.’- u shpreh Rama, duke shtruar se kjo tryezë nuk është e tepërt për kohën që jetojmë.

‘Kënaqësi e veçantë rikthimi në Tryezën e Iftarit pas dy vjetësh të paprecedentë nën sulmin e pandemisë. I lehtë dhe i pranuar agjërimi për të gjithë besimtarët.’ Më ka munguar ky takim sepse Tryeza e Iftar prej vitesh ka ushqyet tek unë një ndjesia paqeje. Faleminderit që keni ardhur dhe në emër të Lindës, gjysmës më të mirë time. Edhe në këtë rast nuk do mungojnë përqeshjet të cilat i ushqen një injorancë ulëritëse mbi islamin në veçanti. Nuk ka nevojë as të jesh mysliman që të ulesh në Tryezën e Iftarit dhe të marrësh prej saj ushqimin lehtësues.

LEXO EDHE:
Emisioni i RAI 3, Rama-moderatorit: Telefonatën time e krahasuat me ndërhyrjet e Kremlinit, s’keni guxim të përballeni me të vërtetën

Islami është përveçse një fe e përqafuar nga myslimanët edhe një dhuratë për mbarë njerëzimin. Është gjynah ta refuzosh si besim ndaj vetes rreth asaj që duhet të jesh. Nëse Zoti do të donte, do të na bënte një bashkësi, por na bëri të ndryshëm. Jemi sot në një tryezë të rrethuar nga njerëz me dhunti e bindje të ndryshme. Kjo tryezë nuk është e tepërt, por në vendin e kohën e saj të qytetarisë, në një botë që progresi e teknologjia nuk e kanë bërë të panevojshëm besimin, por kanë bërë të kundërtën”, tha Rama.

Gjatë këtij muajit të bekuar (30 ditë), besimtarët myslimanë mbajnë agjërim, një nga 5 kushtet e islamit. Sipas përllogaritjeve nata e Kadrit do të jetë në 27 prill, një natë shumë e rëndësishme e këtij muaji të shenjtë. Ndërsa muaji i Ramazanit përfundon në datën 1 Maj, i cili kulmon dhe me festën e Bajramit të Madh.

M.Q./Sh.Sh/Shqiptarja.com

TAG:
• muaji i ramazanit
• edi rama
• iftar