Të gatuajmë me Zonjën Vjollca/Muffins(kekë të mbushur) me banane e çokollatë dhe Qofte me kungull

Përbërësit :

2 banane

1 kokërr vezë

80 gr sgeqer

100 ml qumësht

100 gr gjalp

220 gr miell

2 lugë çaji pluhur pjekës

¼ lugë çaji kanellë

Kripë

Përgatitja:

Fillimisht ngrohim furrën në temperaturën 175 gradë. Vendosim kupa letre në një tepsi me forma për Muffins. Në një tas bashkojmë të gjithë përbësrësit e thatë si mielli, pluhuri pjekës, kripa dhe kanella. I trazojmë me tel dore dhe i lëmë mënjanë.

Në një tas tjetër bashkojmë përbërësit e lëngshëm. Shtypim bananet me një pirun dhe shtojmë sheqerin, vezët, gjalpin , qumështin duke i përzier mirë së bashku. I shtojmë këto tek tasi me miell duke i trazuar vazhdimisht përbërësit e lëngshëm me përbërësit e thatë. Kur shohim se është formuar një brum homogjen , shtojmë çokollatën në formë pike. I trazojmë mirë dhe më pas mbushim ¾ e kupave dhe i vendosim në tepsi për 20-25 minuta.

Receta e dytë : Qofte me kungull

2 kunguj të njomë

150 gr gjizë ose djath

3 lugë gjelle parmixhan i grirë

3 lugë gjelle miell

1 kokërr vezë

Vaj për skuqje

Kripë + piper

Erza sipas preferencës

Për sallatën:

300 gr domate qershi

1 qepë e kuqe e vogël

2 degë nenexhik

3 degë kopër

Për dresing-un

2 lugë   gjelle uthull e kuqe

Pak sheqer

Kripë + piper

Vaj ulliri

Fillimisht grijmë kungullin në rende dhe e spërkasim me pak kripë dhe e lëmë 10 minuta. Më pas e shtrydhim fort për të larguar ujin dhe e vendosim në një tas ku do të shtojmë gjizë, 3 lugë gjelle parmixhanë të grirë hollë, 3 lugë gjelle miell , kripë dhe piper të zi, vezë e erza . Të gjitha këto përbërës i trazojmë mirë me dorë dhe e lëmë brumin të pushojë pak për 15 minuta.

Ngrohim vajin dhe me ndihmën e një luge vendosim qoftet duke i lënë ato 3 minuta nga çdo anë deri sa ato të skuqen dhe të marrin një ngjyrë të artë. I largojmë nga zjarri duke i vendosur në një pjatë zjarrduruese. Para se ti shërbejmë mund ti ngrohim në furrë për 5 minuta në temperaturë 180 gradë.I shërbejmë me sallatë me domate dhe erëza.

Ju bëftë mirë !

 

 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Himara 2 ‘kryetarë’ në burg, vendi vakant pas dorëheqjes së Jorgo Goros! Këshilli Bashkiak komandon sot kryebashkiakun e ri

Himara 2 ‘kryetarë’ në burg, vendi vakant pas dorëheqjes së Jorgo Goros! Këshilli Bashkiak komandon sot kryebashkiakun e ri