POP 5

Lajmet më të lexuara të 5 minutave të fundit

Kronikë

Mungesa e infrastrukturës në Kurbin/ Banorët: Taksat i marrin por rruga është për faqe të zezë

Banorët  e fshatit Adriatik në Kurbin janë ngritur në protestë për shkak të mungesës së infrastrukturës në fshatin e tyre. Ata shprehen se pavarësisht se rruga Adriatik-Superstradë është ndërtuar 8 vite më parë, investimi i dobët ka bërë që ajo të amortizohet plotësisht. Ata paralajmërojnë përshkallëzim të protestave nëse nuk merren masa.

Mungesa e infrastrukturës ka ngritur në protestë banoret e fshatit Adriatik në Kurbin. Në shenjë revolte ata bllokuan rrugën që lidh fshatin e tyre më supestradën Mamurras-Milot. Sipas banoreve ky segment rrugor është tejet i amortizuar, duke ju vështirësuar lëvizjen dhe është bërë shkak dhe për aksidente me pasoja në jetë njerëzish. Ata thonë se dëmtimi i rrugës ka ardhur nga kalimi i mjeteve të tonazhit të rëndë dhe kjo situatë ka penalizuar bujqësinë dhe turizmin.

"Kemi dalë në protestë për rrugën se është për faqe të zezë. Taksat për makinat merren. Asnjë nuk interesohet për ne. Asnjë nuk interesohet se si jemi ne a kemi rrugë a kemi për të ngrënë për të pirë, ne pimë ujë të qelbur nëpër puseta. Kurse taksat i marrin.  Nuk është vënë dorë në këtë rrugë bëj thirrje që të rregullohet. Pa këtë rrugë ne nuk kemi si të shkojmë në spital dhe nuk mundemi të shkojmë në treg për të shit prodhimet tona", thotë një banor.

Banoret kanë paralajmëruar përshkallëzim të protestave dhe bllokim të zgjedhjeve, pasi sipas tyre pushteti vendor dhe ai qëndror e kanë lënë në harrese këtë zonë. Rruga Adriatik-Superstrade me gjatësi 10 km është ndërtuar 8 vite më parë, por cilësia e dobët e punimeve ka bërë që ky aks të dëmtohet në një kohë të shpejtë.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Operacionet kundër krimit të organizuar dhe të kërkuarve, Operacionalja dhe FAST Albania bëjnë trajnime të përbashkëta: Taktikë dhe vetëmbrojtje

Operacionet kundër krimit të organizuar dhe të kërkuarve, Operacionalja dhe FAST Albania bëjnë trajnime të përbashkëta: Taktikë dhe vetëmbrojtje

17 Nëntor, 22:21