Mungesa e investimeve, Basha:
Rama pranon korrupsionin me të tijët

Kryetari i Partisë Demokratike përmes një postimi në rrjetin social Facebook, ka thënë sot se në vend mungojnë investimet në ujësjellësa, kanalizime, rrugë, shkolla, kopshte e çerdhe, ndërkohë që ka shtuar se këtë fat e ka pranuar edhe vetë kryeministri Edi Rama, që sipas Bashës, pranon edhe korrupsionin që bëhet me lekët e shqiptarëve.

Sipas Bashës, të gjitha paratë e qytetarëve shqiptarë Rama i ndan me personat që e rrethojnë dhe janë të të njëjtit taraf, ndërkohë që ka shtuar se pranimi i korrupsionit nga Rama është fundi i një qeverie të korruptuar në palcë, ndërkohë që iu ka premtuar qytetarëve shqiptarë se qeverisja e drejtuar nga partia Demokratike do tu kthejë paratë e tyre.

Ja statusi i Bashës në Facebook
Edi Rama ka pranuar publikisht faturen e korrupsionit të tij, që rëndon drejtpërdrejt tek qytetarët.
Rama thotë nuk bëjmë dot ujësjellesa e rrugë sepse nuk ka para.
Sepse 1 miliardë euro vidhen e shperdorohen cdo vit ne tatime dogana tendera dhe koncesione hajduterie. Janë para të shqiptarëve, të djersës së tyre, të taksave që paguajnë. Por qe plackiten nga qeveritarët e nuk kthehen ne te mira per qytetaret.
S’ka para, thotë Rama, për ujësjellesa e rrugë. Nuk ka para per ilace, per ndihme ekonomike, per rritje pensionesh e rrogash. Nuk ka si të ketë, kjo është fatura e korrupsionit.
Ska si të ketë lekë për qytetarët, thesi zbrazet për rehatinë e Ramës e hajdutëve të tij.
Por ka 80 milionë dollarë për mobilim zyrash e blerje makinash.
Ka 15 milione dollare per bileta avionesh.
Ka 320 milione euro per koncesionet hajduterore te Rames e Beqes ne shendetesi.
Ka miliona per oligarkine e Carapuleve, Papuleve, Ismailajve e Nusheve, per kulla, palma, makina luksi, dhe prape kulla qe i ndajne me Ramet, Gjiknuret e Ahmetajt me shoke.
Ka para per udhetime me charter, per syze 70 mije Euro e per hotelet me lluksoze te botes.
Ja pra, ky eshte fundi i një qeverisje të korruptuar në palcë, në cdo degë të saj, sic thotë raporti i Departamentit amerikan të Shtetit.
Para, prona dhe lluks sheikësh për Ramen me shoke, por për qytetarët ska ujë, s'ka asnjë investim të ri, s'ka asnjë vend të ri pune.
Partia Demokratike do ti kthejë këto para tek qytetarët: me ulje taksash, investime publike qe ju sherbejne qytetareve e jo oligarkeve, me subvencione në bujqësi, me hapjen e vendeve të reja të punës.
‪#‎Shqipëria më mirë pa Edi Ramën.

Redaksia Online
(F.T/shqiptarja.com)