POP 5

Lajmet më të lexuara të 5 minutave të fundit

Kultura

Muret antike në Lezhë kthehen në banjë publike! Ndotet zona arkeologjike tek vendvarrimi i Skënderbeut

Prej vitit 2014, muret antike të "lisusit" në zonën arkeologjike pranë vendvarrimit të Skënderbeut në Lezhë janë kthyer në tualet publik. Shkak për futjen në zonë të njerëzve të papërgjegjshëm, është bërë heqja e rrethimit të zonës

Zona arkeologjike pranë vendvarrimit të Skëndërbeut në Lezhë është kthyer në tualet publik. Muret antik të 'lisusit' të lashtë, përdoren nga qytetarë të papërgjegjshëm, për të kryer nevojat e tyre personale. Kjo situatë vijon që prej vitit 2014-të kur ju hoq rrethimi zones arkeologjike dhe ndotja e krijuar është kthyer në një shqetësim mjaft të madh.

Përgjegjësi i Trashëgimisë Kulturore në Bashkinë Lezhë, Paulin Zefi, thotë se për të ndaluar këtë fenomen, duhet të rrethohet zona. Ai tregon se projekti është gati që prej vitit 2015.

“Në vitin 2015 kemi hartuar një projekt për rrethimin e mureve. Kemi gjetur dhe donatorët. Vlera nuk është shumë, ka qenë 14 mijë euro. Ky projekt nuk ka marrë pëlqimin e drejtuesit të Ministrisë së Kulturës së asaj kohe. Uroj që duke parë situatën, drejtuesit e rinj të Ministrisë të kenë ndryshuar mendim dhe të merren masa për rrethimin. Grupet turistike mos të vijnë e të shohin këtë skandal, sepse është turp”, tha Paulin Zefi, Përgjegjës i Trashëgimisë Kulturore, Bashkia Lezhë.

Nënkryetari i Bashkisë Lezhë, Ermal Pacaj thotë se janë në kontakte me Ministrinë e Kulturës me qëllim aprovimin e lejes për t’i hapur rrugë projektit të rrethimit të zonës arkeologjike.

“Zgjidhja përfundimtare është rrethimi. Janë marrë hapa konkret. Ne jemi në korrespondencë me Ministrinë e Kulturës”, tha Ermal Pacaj, nëkryetar i Bashkisë Lezhë.

Zona arkeologjike, bashkë me vendvarrimin e Gjergj Kastriotit, janë asetet historike më të rëndësishme në Lezhë. Ata janë atraksione turistike dhe situata e krijuar është mënyra më e keqe e prezantimit të tyre para vizitoreve vendas e të huaj të cilët janë të shumtë në numër.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Makiwa71: 08/03/2022 18:49

    Unë jetoj jashtë shtetit por kam lindur e rritur në Lezhë , asht turp e skandal kjo që po shof ,e gjith bota e njeh Skënderbeun .kurse ne vizitorët sidomos të huajt i presim me hale.

    Përgjigju
  • Albfire: 07/03/2022 18:45

    Per te gjithe ata qe ngelen duke thene "Krenar qe jam Shqiptar" dhe nuk u lodhen duke "valevitur flamurin e patriotizmit"

    Përgjigju
  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Incidenti në Detin Baltik, NATO do të rrisë praninë në rajon

Incidenti në Detin Baltik, NATO do të rrisë praninë në rajon

27 Dhjetor, 16:06