Në Galerinë e Artit Tiranë, disa prej emrave më të mirë të artit bashkëkohor (Adrian Devolli, Agron Polovina, Arben Meksi, Fatmir Minga, Fatmir Tufina, Idriz Balani, Leon Çika, Luan Boriçi, Llambrini Dena, Marjana Goxhabelliu, Mira Kuçuku, Violeta Kongo), ngritën përmes veprave pamore, ekspozitën “Muri”...
“Në përbërje të këtij grupimi janë artistë që kanë potenciale krijuese, janë artistë që kanë një emër, kanë krijimtari të pasur, dhe janë grupuar bashkë sepse i lidh një koncept jo vetëm shoqëror, por koncepti mbi artin e ri, atë modern”, thotë drejtori i GAT, artisti Abaz Hado.
Me piktura, punime në qeramikë, skulpturë , kompozime me gurë zalli të kuruar nga artistja Marjana Goxhabelliu, 13 artistë shënuan edicionin e tretë...
“Ideator i kësaj nisme ka qenë piktori Adrian Devolli, pasi thoshte ne artistët duhet të ballafaqohemi dhe të shohim se ku jemi. Duke parë punët e njërit ne vihemi në “garë” pozitive që të rritemi profesionalisht”, shprehet kuratorja Goxhabelliu.
Artisti Idriz Balani, përmes skulpturës solli figurën e femrës.
“Femra është zanafilla e jetës, e kam sjellë atë në dy momente, në atë të zgjimit dhe në një moment relaksi”, thotë skulptori Idriz Balani.
4 punimet në karikaturë të Arben Meksit, nxitën reflektim tek vizitorët përmes tematikave globale që cekin aktualitetin.
“Karikatura e parë, që struci mban mbi kokë globin, jep idenë se ‘ku po shkon bota’... Bota jonë ka probleme sidomos pas pandemisë dhe pas luftës, kështu që ka dilemat e veta. Një vepër tjetër trajton varësinë nga digjitalizimi. Karikatura tjetër është gjithçka në këtë botë kthehet nga e para, çdo fenomen është objektivi i kësaj bote. Dhe pastaj është karikatura e tretë, me simbolikën e bravës. Të gjithë janë kurioz, të gjithë duan të dinë, natyrisht kurioziteti e habia janë elementë të mençurisë së njerëzve por kur ato bëhen me tepricë kalohet në anën e gabuar”, shprehet arkitekti dhe artisti Arben Meksi.
Si një pikëtakimi, prezantim e ballafaqim të krijimtarisë së tyre, artistët premtojnë ta kthejnë “Murin” pamor në një traditë.
Lajme të tjera
-
Gara botërore e karikaturës! Shqipëria në krye me Arben Meksin, ‘Bashkëjetesë dhe identitet’ mes tre veprave më të mira nga 882 punime!
6 Maj, 15:01 -
Çelet ekspozita ‘Muri’ në galerinë ‘Vilson Kilica' të Fierit, ekspozohen piktura dhe skulptura të 13 artistëve
11 Shkurt, 11:56 -
‘Liria e shtypit’, Kanadaja vlerëson Arben Meksin për karikaturën: Kemi mbetur tri a katër karikaturistë! Marrim çmim pas 35 vitesh! Ëndrra ime për Lungomaren
11 Maj 2023, 18:17
-
11 artistë veshin ‘Murin’ e galerisë “Kalo” me vepra bashkëkohore, Arben Meksi në ekspozitë: Karikatura shqiptare, kalon nga letra në kanavacë e hyn në tregun e artit
20 Maj 2022, 19:05
-
Një muze për figurat historike në Durrës/ Idriz Balani: Me skulpturën e parkut jemi deficitarë (VIDEO)
27 Shkurt 2021, 14:17
-
Ndahen çmimet e Bienales së Karikaturës, Arben Meksi vlerësohet për “Jeta njerëzore është riciklim” (VIDEO)
22 Shtator 2020, 15:36
-
Arkitekti Arben Meksi ironizon në karikaturë betejat me “koronën” dhe “burrin me përparëse”
29 Prill 2020, 17:23
