POP 5

Lajmet më të lexuara të 5 minutave të fundit

Sociale

Murtaja afrikane, Veterinaria bllokon automjetet që transportojnë derra në tregun e Milotit dhe të Vaut të Dejës

Në rrugët që lidhin Kurbinin, Lezhën dhe Vaun e Dejës, Shërbimi Veterinar po ushtron kontrolle ndaj automjeteve që transportojnë kafshë, pasi tregtia e derrave është e ndaluar për shkak të Murtajës Afrikane. Drejtori i Veterinarisë tha se nuk ka raste te reja, por gjithsesi tregjet dhe transporti do të mbahen në monitorim.

Shërbimi Veterinar në Lezhë me mbështetjen e Policisë së Shtetit ka ngritur postoblloqe në akset rrugore, në mënyrë që të mbahet në monitorim lëvizja e kafshëve të gjalla brenda zonës ku u identifikua vatra e murtajes afrikane të derrit.

Katër grupe pune janë vendosur në rrugët që lidhin tregjet e gjësë së gjallë të Milotit në Kurbin dhe të Shelqetit në Vaun e Dejës.

Janë kontrolluar 56 mjete të transportit të kafsheve, ku 7 prej tyre rezultuan me derra dhe jane kthyer ne vendin e origjines. Vetereneret kane bërë kontrolle ne keto ferma, por fatmiresisht nuk kanë rezultuar të prekur nga murtaja afrikane.

Përgjegjësi i Veterinarise në Qarkun e Lezhës, Ded Rama thekson se për çështje sigurie janë mbyllur tregjet e gjësë së gjallë në Milot dhe Shelqet. Mishi i derrit, tha ai duhet të blihet vetëm në thertore të licensuara, me certificate veterineri.

Murtaja afrikane nuk prek njerëzit dhe nuk ka asnjë rrezik për konsumatorët e mishit. Të gjitha këto masa po merren për të mbrojtur fermat blegtorale sepse murtaja afrikane është sëmundje ngjitëse që shkakton ngrodhje masive të kafshëve. Muajin e kaluar në Lezhë u shfaqen dy vatra në Malin e Renxit dhe në fshatin Ishull dhe sjellë ngrodhjen e 100 krerëve. Ndërsa prej dy javesh nuk ka patur raste të reja, por monitorimi do të vijojë në rrugë e tregje.

R.D/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Aksident i rëndë në Korçë – Pogradec/ Përplasen dy makina, një i vdekur (VIDEO)

Aksident i rëndë në Korçë – Pogradec/ Përplasen dy makina, një i vdekur (VIDEO)

8 Janar, 23:55