Musaka me kimë nga zonja Albana

Musaka me kimë

Përbërësit:

  • 1 kg mish viçi i grirë
  • 3 presh
  • 2 speca
  • 1 lgj gjalpë i tretur
  • 1 fk vaj ulliri
  • 1 gotë qumësht
  • 4 domate
  • 5 vezë
  • 1 lgj miell
  • 1 tufë majdanoz
  • 1 lgj keçap
  • ½ lgj koncentrat
  • Fasule ose misër sipas dëshirës
  • Kripë, piper

Përgatitja:

Në një tenxhere kaurdisim me vaj ulliri preshin e grirë imët derisa të marrë pak ngjyrë dhe të zbutet. Më pas shtojmë mishin e grirë dhe e lemë të kaurdiset avash avash. Shtojmë pak kripë, specat, domatet e grira dhe 1 lugë keçap. I trazojmë mirë të gjithë përbërësit dhe i lemë të ziejnë (sipas dëshirës mund të shtojmë dhe pak fasule ose misra të zier). Ndërkohë tek qumështi tresim pak miell mirë dhe e shtojmë tek kima pasi të jetë ftohur pak.

Në një tavë të lyer me gjalpë vendosim kimën e përgatitur. Rrahim vezët dhe i hedhim mbi kimë. E vendosim musakanë në furrë të parangrohur në temperaturën 180 gradë Celsius për 25 minuta. Para se ta servirim e spërkasim me majdanoz të freskët.

MC/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A besoni se SPAK do të bëjë drejtësi për 21 janarin?



×

Lajmi i fundit

Zjarr në landfillin e mbetjeve pranë inceneratorit të Elbasanit

Zjarr në landfillin e mbetjeve pranë inceneratorit të Elbasanit