POP 5

Lajmet më të lexuara të 5 minutave të fundit

Kosova & Rajoni

Mustafa: Rama s'ka pse vjen në
fushatat zgjedhore të Thaçit

Kryetari i LDK, Isa Mustafa ka kërkuar respektim reciprok të fushatave zgjedhore mes Shqipërisë dhe Kosovës, pasi vizitat e kryeministrit Edi Rama shkojnë në favor të homologut Thaçi.
Mustafa: Rama s'ka pse vjen në<br />fushatat zgjedhore të Thaçit
PRISHTINË - "Kryeministri Hashim Thaçi po vazhdon të bëjë fushatën zgjedhore në Prizren, duke sjellë kryeministrat e vendeve fqinje". Këtë deklaratë ka bërë në Facebook kryetari i Lidhjes Demokratike të Kosovës, Isa Mustafa, duke pasur parasysh këtu edhe kryeministrin shqiptar, Edi Rama.

“Kryeministri i Shqipërisë, Edi Rama, përmes postimit në rrjetin social “Facebook” zbuloi se mbledhja e përbashkët e dy qeverive Shqipëri - Kosovë do të mbahet më 16 nëntor në Prizren. Në Prizren, në këtë kohë po zhvillohen aktivitete para balotazhit ndërmjet kandidatit të Lidhjes Demokratike të Kosovës dhe atij të Partisë Demokratike të Kosovës. Në kontinuitet, vërehet se Thaçi ka nevojë të ndërhyjë në aktivitetin zgjedhor të Prizrenit me kryeministra të vendeve fqinje ose të vendeve të tjera”, ka shkruar Mustafa.

Mustafa ka shpjeguar se kryeministri Thaçi gjatë aktivitetit parazgjedhor ka organizuar tubim me kryeministrin e Shqipërisë dhe atë të Turqisë, e më pas në ndihmë i erdhi edhe kryeministri serb.

“Gjatë aktivitetit parazgjedhor, Thaçi organizoi një tubim të madh në Prizren me kryeministrin e Shqipërisë dhe atë të Turqisë. Ndërkaq, në ndihmë i erdhi edhe Kryeministri i Serbisë me vizitën e tij serbëve të Kosovës. Por, nëse Thaçi ka nevojë që nëpërmjet ndërhyrjeve të tilla t’i krijojë avantazhe partisë së tij dhe kandidatit të tij për kryetar të komunës së Prizrenit, konsideroj se këtë nevojë nuk e ka Rama”, shkruan më tej ai.

Andaj ai thotë se, derisa Kosova respekton fushatën zgjedhore në Shqipëri, atëherë duhet të ketë respekt reciprok.

“Ne jemi dy shtete; kemi respektuar fushatën zgjedhore në Shqipëri, prandaj edhe Qeveria e Shqipërisë do të ishte mirë ta respektojë fushatën zgjedhore në Kosovë. Konsideroj se kultivimi i respektit reciprok është i shëndetshëm për marrëdhëniet afatgjata ndërmjet qeverive të dy vendeve, Kosovës dhe Shqipërisë”, shkruan Mustafa.

Redaksia Online
(mag/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lirimi i Sali Berishës, Idajet Beqiri në ‘Frontline’: Thikë pas shpine për sistemin e drejtësisë, mund të prish provat si në 21 janar! Kikia: Sulmon gjyqtarët kur si pëlqejnë vendimet

Lirimi i Sali Berishës, Idajet Beqiri në ‘Frontline’: Thikë pas shpine për sistemin e drejtësisë, mund të prish provat si në 21 janar! Kikia: Sulmon gjyqtarët kur si pëlqejnë vendimet

28 Nëntor, 22:25