POP 5

Lajmet më të lexuara të 5 minutave të fundit

Kronikë

Muzikë e mirë, gështenja, zjarr...Pogradeci feston 25-vjetorin e festës së verës (VIDEO)

Mbrëmjen e djeshme është zhvilluar në Pogradec festa e verës, ku qytetarë dhe turistë shijuan mbrëmjen nën tingujt e muzikës e më një gotë verë në duar.  Në festës e verës, që e ka zanafillën që në shtator të 1994, nuk munguan as çmimet për prodhuesit e verës.

POGRADEC- Në qytetin liqenor të Pogradecit mbrëmjen e djeshme është festuar 25- vjetori i festes autoktone, festës së verërave.

Kjo feste e cila zanafillën e ka qysh në shtator te 1994,  mbrëmjen e djeshme në shesh ka ofruar panairin e verërave, gatimet tradicionale të zonës, por duke iu bashkangjitur edhe gështenjën një produkt shume i njohur i zonës. Nënkryetarja e bashkisë Pogradec Entela Gusho teksa flet plot entuziazëm për festen e verës tregon edhe risinë e këtij viti.

"Risia është se këtë vit iu bashkëngjit edhe gështenja dhe jo rastësisht. Gështenja është emblemë e Mitrush Kuteli, u përfshi sivjet se dihet se kur pihet verë, hahet edhe gështenja", tha Nënkryetarja e bashkisë Pogradec.

Mbrëmjen e djeshme në këtë feste nuk munguan dhe çmimet e vlerësimet për prodhuesit e verës. Lorenc Marko rrëmbeu çmimin e parë për verën e kuqe me të mirë.

"Po verën tonë mundohemi ta bëjmë si progradecar të vjetër", u shpreh fituesi i çmimit të parë. Emra të njohur të muzikës shqiptare si Aleksandër Gjoka, Redon Makashi, Elton Deda, kënget, vallet e interpretimet e ndjera e ndezën edhe me tepër atmosferën. Motër e vëlla, pjesë e grupit "Nostalgjia" tregojnë emocionet pas interpretimit.

Duke pirë një gote vere e duke shijuar gështenjë, nën shoqërinë e zjarrit të ngrohtë dhe natës plot ngjyra, qytetarë, turistë tregojnë magjinë e të qenurit në Pogradec për festen e verës.

"Po ia kalojmë mirë me shoqëri të mirë, verë të mirë"

Organizimi i festës i përkryer, me produkte të prodhuara nga viti i kaluar, me futjen e elementit të gështenjë", thanë disa qytetarë.

Festa i dha ngjyra e zjarr temperaturave të ulëta duke mbajtur mbërthyer qindra njerëz në shesh deri në orët e vona.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Tragjedia në Shkodër, a duhet gratë të denoncojnë çdo formë dhune?

Lajme të tjera



×

Lajmi i fundit

Lufta në Gaza, ushtria izraelite urdhëron banorët e Rafahut lindor që të evakuohen

Lufta në Gaza, ushtria izraelite urdhëron banorët e Rafahut lindor që të evakuohen

6 Maj, 08:42