SHBA - Pas një periudhe rënieje të të ardhurave të tyre, për shkak të shkarkimeve nga Interneti, autorët amerikanë të filmave pornografikë duket se kanë gjetur një mënyrë të re për të siguruar fitime.

Kështu, ata kanë vendosur të hedhin në gjyq ata që lundrojnë në internet e që shkarkojnë me pa të drejtë filmat “me drita të kuqe”, që ata prodhojnë. Në bazë të së drejtës së tyre si autorë të filmave porno dhe në mbrojte të copyright-it, ata “peshkojnë” të gjithë ata që i shkarkojnë nga internet dhe i hedhin në gjyq.

Mirëpo duke qenë se proceset gjyqësore nuk janë edhe aq të shkurtra, ata kanë gjetur mënyrën më efikase për të fituar diçka. Duke qenë se shumë përdorues interneti nuk dëshirojnë që të bëhet publik fakti që “vjedhin dhe shikojnë” filma porno, preferojnë të paguajnë në dorë 1 mijë dollarë, si “marrëveshje ekstragjyqësore”. Dhe janë të shumtë ata që paguajnë kështu.

(shqiptarja.com)