POP 5

Lajmet më të lexuara të 5 minutave të fundit

Kultura

Nënshkruhet marrëveshja e 
bashkëpunimit kulturor Shqipëri-Kroaci

Ministrja e Kulturës e Shqipërisë, Mirela Kumbaro dhe homologu kroat, Zlatko Hasanbegović nënshkruan programin e bashkëpunimit në fushën e kulturës për periudhën 
2016 -2019. Ky është programi i pestë i zbatimit të bashkëpunimit midis dy vendeve.
Ministrja e Kulturës e Shqipërisë, Mirela Kumbaro dhe homologu kroat, Zlatko Hasanbegović nënshkruan programin e bashkëpunimit në fushën e kulturës për periudhën
2016 -2019. Ky është programi i pestë i zbatimit të bashkëpunimit midis dy vendeve, i cili është përgatitur në bazë të marrëveshjes për bashkëpunim arsimor, kulturor dhe shkencor mes dy qeverive (të nënshkruar në Tiranë, më 1 shkurt 1994).

Programi parashikon bashkëpunimin dhe shkëmbimin në të gjitha fushat e kulturës dhe artit në periudhën 2016-2019, si dhe inkurajon dhe mbështet marrëveshjet e drejtpërdrejta dhe bashkëpunimin midis institucioneve, ekspertëve, artistëve dhe shoqatave të skenës së pavarur artistike.

Vëmendje e veçantë i kushtohet mbrojtjes dhe ruajtjes së trashëgimisë kulturore dhe parandalimit të piraterisë kulturore, si dhe bashkëpunimit dhe shkëmbimit të ekspertëve në formën e vizitave studimore, pjesëmarrjeve në festival dhe në ngjarje të tjera të rëndësishme kulturore të dy vendeve.

Programi përfshin gjithashtu shkëmbimin e ekspozitave, filmit, baletit, muzikës operistike, shfaqjeve teatrale dhe performancave të artit modern, workshop-e në fushën e trashëgimisë, si dhe inkurajimin për të drejtuar bashkëpunimin ndërmjet shkrimtarëve dhe shtëpive botuese të tyre për t’u njohur më nga afër me letërsinë e sotme shqiptare dhe kroate, pa lënë mënjanë edhe studimet historike dhe albanologjike.

“Ajo që është veçanërisht e rëndësishme është që ky program zhvillon marrëdhëniet tona, shpresojmë që institucionet dhe artistët të përfitojnë prej tij”, tha ministri kroat, Zlatko Hasanbegović.

“Kultura duhet të jetë e pavarur në raport me institucionet politike dhe kjo është detyra jonë për të mbështetur dhe përkrahur. Ky program është një instrument i fuqishëm për të mbështetur njerëzit e artit dhe kulturës dhe për t’u njohur edhe më shumë mes njëri-tjetrit, përmes kulturës”, tha ministrja Kumbaro.

Gjatë qëndrimit në Zagreb, ministrja Kumbaro dhe delegacioni shqiptar vizituan në Institutin Kroat të Restaurimit, Teatrin Kombëtar Kroat dhe Muzeun e Arteve dhe Zejtarive.

zagreb
zagreb
zagreb
zagreb
zagreb
Redaksia Online
(M.Ç/shhqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03