Në spiralen e shtetit të dështua
Ajo që sigurisht çudit shumëkënd në këtë vend është efektiviteti i zellshëm dhe gatishmëria e strukturave policore në Berat për të arrestuar një kryeplak e për të vënë në ndjekje penale një kryetar komune, pasi, policia sigurisht që ka bërë detyrën, por ndërkaq 70 km më në jug të Kutallisë, në komunën e Lazaratit, policia as nuk guxon të hyjë në fshatin më të famshëm të Shqipërisë.
Dje policia e Beratit prangosi kryeplakun e fshatit Rërëz dhe nisi ndjekjen penale për kryekomunarin e Kutallisë, pasi në territorin e komunës u gjetën 170 rrënjë kanabis. Deri këtu lajm s’ka e asgjë nga sa më lart s’duhet të përbëjë lajm. Sipas legjislacionit, kryetarët e njësive vendore janë përgjegjës dhe duhet të raportojnë mbjelljen e kanabisit, e nëse s’e bëjnë, mbajnë përgjegjësi penale. Ajo që sigurisht çudit shumëkënd në këtë vend është efektiviteti i zellshëm dhe gatishmëria e strukturave policore në Berat për të arrestuar një kryeplak e për të vënë në ndjekje penale një kryetar komune (që si për rastësi rezulton të jetë zgjedhur nën logon e Partisë Socialiste), pasi, policia sigurisht që ka bërë detyrën, por ndërkaq 70 km më në jug të Kutallisë, në komunën e Lazaratit, (që si për rastësi është bastion i Partisë Demokratike), policia as nuk guxon të hyjë në fshatin më të famshëm të Shqipërisë, prej nga ku dalin tonelata me kanabis, e prej të cilave policia tek tuk ndalon ndonjë ngarkesë të vogël. Në mënyrë pikëlluese sa i përket seriozitetit dhe forcës së shtetit që dorzohet turpshëm përpara aktivitetit kriminal, dhe tejet amatoreske sa i përket përqasjes operacionale se si policia duhet të kryejë aksione të tilla, pak ditë më parë drejtori i përgjithshëm i Policisë së Shtetit deklaroi (në të njëjtën kohë dhe informoi) se “shumë shpejt do të ndërhyjmë në Lazarat”, ndonëse ndërhyrja nuk ndodhi kurrë, dhe gjasat janë që s’ka për të ndodhur ndonjëherë. Diferencimi radikal i përqasjes së strukturave policore dhe shtetërore ndaj fenomenit të kultivimit dhe tregtisë së kanabisit nuk është asgjë më tepër sesa replikimi në terren i standarteve të dyfishta që kjo mazhorancë i ka imponuar dhe vazhdon t’i imponojë shqiptarëve në të gjitha fushat e jetës. Në Shqipëri, taksat janë të detyrueshme e shumica e njerëzve/bizneseve paguajnë por edhe denden me gjoba, ndërsa një pakicë e afërt me pushtetin s’paguan hiç dhe as i sheh ndonjëherë në derë inspektorët tatimorë. Në Shqipëri drejtësia është e barabartë për të gjithë, dhe shumica enden dyerve të gjykatave, paguajnë rryshfete apo dënohen padrejtësisht, por një pakicë e afërt me pushtetin nuk i trembet as prokurorisë e as gjykatës, sepse “të thyejnë kokën me lekë”. Në Shqipëri rregullat e qarkullimit rrugor janë njësoj për të gjithë, e policia s’lë makinë hallexhiu pa i kontrolluar siguracionin vjetor, taksat, kontrollin teknik biles dhe kutinë e ndihmës së shpejtë, teksa makinat supeluksoze të beniaminëve të pushtetit livadhisin pa dokumenta me 150 km/ orë dhe policët vetëm i nderojnë plot respekt e s’guxojnë t’u afrohen sepse “pale kë ka mik ky tipi”. Pandëshkueshmëria selektive është një mesazh i qartë, drejtpërdrejtë e i pagabueshëm për gjithë shqiptarët, dhe mesazhi është: Nëse më voton, më financon, më përkrah verbërisht, më mban në pushtet, më mbështet në zullumet politike, e më bëhesh krah në momentet e vështira, mund të jesh kriminel, hajdut, trafikant, kultivues droge, matrapaz, batakçi e dallaveraxhi, por asnjë gjëmb s’do të të hyjë në këmbë, peshorja e drejtësisë do të anojë gjithmonë nga ana jote, policia do të mbyllë sytë, prokuroria do të rrijë larg, dhe njerëzia anë e mbanë do të ta kenë frikën e do të ruhen sepse je “miku i pushtetit”! Paradigma e simbiozës pushtetar – militant automatikisht e bën politikën edhe më të ndotur e të varur nga krimi, i bën shkelësit e ligjit gjithmonë e më arrogantë e të sigurt në aktivitetin e tyre, hedh në erë shtyllat konceptuale të shtetit ligjor dhe drejtësisë së aplikueshme për të gjithë, rrit ndjenjën e pasigurisë tek popullata, dhe eventualisht sjell denigrimin e idesë se shteti ka realisht mundësinë dhe fuqinë të sigurojë rendin dhe qetësinë. Rastet kur kjo simbiozë ka rezultuar në krijimin e “shteteve të dështuar” ku krimi është fuqizuar përtej caqeve që i janë vënë fillimisht prej pu(shtetit) nuk mungojnë; Kolumbia, Meksika, Venezuela, apo Pakistani, për të përmendur vetëm disa. Se sa thellë do futet Shqipëria në këtë spirale të rrezikshme mbetet për t’u parë, dhe sigurisht edhe për t’u korrur dhe shitur!
Sondazhi i ditës:
Si i vlerësoni mesazhet që dha Rama në takimin me diasporën në Athinë?
-
Të drejta
85.5%
-
Të gabuara
9.8%
-
Nuk e di
4.7%
Vota total: 1921
Lajme të tjera
-
Merr flakë kabina elektrike në Lazarat, gjysma e fshatit pa energji elektrike
11 Dhjetor 2022, 09:42
-
Berisha akuza ndaj Ramës dhe Tahirit për krime lufte në Lazarat, harron policin e vrarë: Do ngrihen grupe hetimi, të gjithë do ndëshkohen
10 Tetor 2022, 12:46
-
Kultivonte kanabis në Lazarat, arrestohet 34-vjeçari pasi iu gjetën bimë të njoma e të thara në oborrin e banesës
25 Gusht 2022, 09:01
-
U kap me thikë e kokainë me vete, arrestohet 38-vjeçari në Fier! Ishte pjesë e grupit që qëlloi me armë policinë në aksionin anti-kanabis në 2014 në Lazarat
12 Korrik 2022, 09:49
-
Gjirokastër/ Mbetje spitalore mbushin lumin Drinos pranë Lazaratit, banorët ngrenë alarmin! Pas publikimit të lajmit në Report Tv njoftohet policia
17 Qershor 2022, 09:58
-
Do të ndërtonte një ‘shtëpi bari’, arrestohet 62-vjeçari në Lazarat! Në banesë i gjenden armë dhe pajisje për kultivim kanabisi
10 Shkurt 2022, 09:00
-
Lazarati në Gjirokastër, 1 vit pa urë! 4 mijë banorë të ndarë nga 2 lumenj me tokat e tyre: U mbytën 2 elektricistë
17 Janar 2022, 15:35
-
Lazarat/ Përroi i Sopotit ka dalë nga shtrati, bllokohet rruga me inerte! Autoritetet lokale po ndërhyjnë për pastrimin e aksit (Video)
26 Dhjetor 2021, 13:14
-
Merr flakë në ecje një automjet në Lazarat, mjeti shkrumbohet tërësisht (VIDEO)
14 Nëntor 2021, 15:36
-
Shiti 2 ton duhan të grirë pa e deklaruar, shpallet në kërkim 50-vjeçari administratori i një magazine në Gjirokastër
5 Nëntor 2021, 12:15
-
I dënuar me 12 vite burg, ndahet nga jeta Gate Mahmutaj, ish kreu i grupit kriminal në Lazarat! U arrestua në super operacionin e policisë të vitit 2014
20 Tetor 2021, 11:55
-
Mero Baze: Fyerja reale që i bëjnë Lazaratit
24 Gusht 2021, 19:59