‘Na përdhunojnë, disa vajzave u hoqën mitrën’, Rrëfimi tronditës i dy të rejave iraniane: Humba dashurinë e jetës, nuk mban mend as emrin e tij nga torturat

Lufta për idealin, përballja me frikën dhe raporti ironikisht “miqësor” me vdekjen, është realiteti i trishtë i vajzave dhe grave në Iran. Të dënuara mes kaosit të mentalitetit, terrorizmit, shtypjes dhe supermacisë seksiste, vajzat dhe gratë në Iran janë duke zhvilluar bindshëm një revolucion që ndoshta, do të mbahet mend gjatë në histori.

Melika dhe Aazam dy vajza iraniane të cilat sapo kanë mbërritur në Itali rrëfyen për Corriere Della Sera, kalvarin e sfondit të zi të jetesës në Iran i cili është duke u luftuar me guximin dhe rezistencën e të nënshtruarave.

Ato u arratisën nga Republika Islamike e cila kërkon t'i ndëshkojë për pjesëmarrjen në demonstratat e muajve të fundit dhe për mosmbajtjen e 'Hixhabit'. Melika dhe Aazam studiojnë filozofi dhe mjekësi. Ato janë vajzat iniciatore të lëvizjes 'Gruaja, jeta, liria' që ne kemi njohur përmes historive të guximit të pakufishëm që, shpesh, brutaliteti i papërshkrueshëm i regjimit të Ajatollah Khameneit i ka dënuar me dhunë dhe vdekje.

“Unë marr droga psikotrope. Psikiatri më diagnostikoi me çrregullim të stresit traumatik. Ende zgjohem natën për të kontrolluar nëse ka njeri jashtë derës”, thotë Aazam, e cila është marrë në pyetje nga policia shtatë herë në gjashtë muaj.

Nga ana tjetër, Malika ka rrëfyer tmerrin e gardianvëe të burgut.

 “Që kur më kanë çuar në burg, kam pasur sulme paniku dhe makthe” . Herë pas here ata ndalojnë dhe pëshpëritin fjalë në farsi. Ata konsultohen përpara se të tregojnë atë që kanë parë dhe menjëherë. " E vërteta këtu ka një çmim shumë të lartë, " shpjegon Melika.

Në vijim, Melika tregon historinë e tmerrshme që i ndodhi një natë nga gardianët. Malika rrëfen sesi e kishin nxjerrë zvarrë një natë nga makina sepse ishte pa mbulesë e rrahën brutalisht.

“Në nëntor, gardianët më nxorrën zvarrë nga makina, sepse isha pa mbulesë dhe po i bija borisë në shenjë solidariteti me protestat.. Më rrahën dhe më futën me forcë në motoçikletën time, të shtrënguar mes dy burrave. Ai që ishte pas po më fërkohej. E dija saktësisht se çfarë do të më ndodhte: e kisha dëgjuar në një mijë histori”. Kur ajo mbërriti në qendrën e paraburgimit, i mbuluan sytë dhe e morën në pyetje ashpër. “Më prekëm gjithandej, më goditën dhe më pyetën: i ke vënë zjarrin koshit? E keni bllokuar atë rrugë? Rrëfeni dhe asgjë nuk do të ndodhë me familjen tuaj. Më kishin ndjekur prej javësh, e dinin që isha pjesë e lëvizjes. Më liruan me kusht .'- tha ajo.

Melika thotë se është ndër “fatlumet” sepse nuk është përdhunuar por “vetëm” ngacmuar . Përdhunimet janë aq të zakonshme sa që vajzat në burg u kërkojnë familjeve që fillimisht të sjellin paketat e mëngjesit pas pilulave . “

Në qeli i kaloja ditët duke menduar se kur do të vinte radha ime” dhe ajo thotë se nuk mund të veshë më rroba të ngushta nga frika e shikimeve mashkullore. Ajo nuk mund të jetë as në një dhomë me burra që nuk i njeh.

“Disa vajza vriten sepse janë shtatzënë. I heqin mitrën për të fshehur provat dhe më pas bëjnë sikur janë vetëvrarë”, shpjegon Aazam, e cili nga të dy ka më shumë vështirësi në shpjegimin.

Me kokën ulur, Aazam u tregon gazetarëve të Corriere Della Sera sesi dashuria e jetës së saj, është mbyllur në një spital psikiatrik për shkak se intelekti i tij është më pro perëndimor.

"I dashuri im nuk më njeh më" . Ai është një student universiteti, një intelektual me një dëshirë të madhe për të jetuar në një vend të lirë ku gratë dhe burrat kanë të drejta të barabarta. " Niveli ynë i ndërgjegjësimit është aq i lartë sa askush nuk mund të na mashtrojë më as me Kuran, as me tortura.”- tha ajo.

Historia e palumtur e dashurisë, vijon të kthehet në tragjedinë e një filmi horror.

“E kanë droguar dhe i kanë bërë elektroshok. Ai është një nga qindra të dënuarit me vdekje nga regjimi. Tani ai është i mbyllur në një spital psikiatrik dhe nuk e di më emrin e tij”.

Aazam thotë se kur ajo dhe prindërit e saj shkuan për ta parë atë, mjekët qanë se si ai ishte pakësuar. Ai ishte dashuria e jetës së saj dhe ka frikë se nuk do ta shohë më.

 ​​"Ai është 24 vjeç, por duket 90 vjeç, ai tashmë ka vdekur edhe nëse po merr frymë".- përfundoi ajo.

G.MO/Shqiptarja.com

TAG:
• Mahsa Amini
• seksizem
• iran