POP 5

Lajmet më të lexuara të 5 minutave të fundit

Kronikë

‘Na uli n’gjunjë’, zjarri shkatërron fermerët e Bukmirës! Prenga: Më ka dëmtuar rreth 13 dynym ullinj e vreshta

Me dhjetëra hektarë të mbjella me ullinj, pemë frutore dhe vreshta rrushi, janë shkrumbuar nga zjarri që përfshiu zonën e Bukmirës në Mirditë në fillim të gushtit. Fermerët thonë se dëmi është i pallogaritshëm, dhe se zjarri ishte i qëllimshëm nga ata që duan të bëjnë biznes duke marrë tokat e djegura me qira.

Dëmet që shkaktoi zjarri masiv në zonën e Bukmirës në Mirditë e njohur për kultivimin e vreshtave me rrush janë të pallogaritshme. Flakët të cilat u përhapen me shpejtësi duke rrezikuar dhe banesat, kanë trungje pemësh të djegur, dhe toka të tëra të nxira

“Janë djegur komplet, mollë, qershia, gështenja kam pasur. Ka djegur arrën e vreshtat krejt”, thotë një fermer.

Frrok Prenga është një ndër fermerët më të dëmtuar nga zjarri, ku me dhjetëra hektar tokë bujqësore i është djegur, duke humbur kështu investimin e jetës.

“Na kanë dëmtuar shumë si fermerë, më ka shkaktuar rreth 20 milionë lekë mall.

Më ka dëmtuar rreth 10 dynym ullinj, i thonë 250 rrënjë ullinj që i kam pas në vitin e tretë të prodhimit, dhe 3 dynym vreshta. Na ka dëmtuar shumë rëndë. Ne lodhemi me punuar, me rregulla, me NIPT e të gjitha”, thotë fermeri Frrok Prenga.

Prenga nuk beson në aksidente, por ai mendon se zjarri që i mori gjithë pasurinë ishte i qëllimshëm.

“Zjarri krejt i qëllimshëm, ose do të jetë një ndonjë që do të bëjë biznes dhe do ta marrë me qira ose një lojë e madhe është këtu”, thotë fermeri Prenga.

Për të tre ditë me radhe fshati Bukmir i Mirditës ishte nën pushtetin e flakëve dhe u desh ndërhyrje nga ajri dhe toka për të shpëtuar banesat të cilat rrezikoheshin të digjeshin.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Arbërori: 19/08/2022 19:48

    Pushteti kriminal ështé duke pregatit terenin për ballkanin serborus o të mjerët ne

    Përgjigju
    • Ben: 19/08/2022 21:09

      Po ik mor trap arberor se na ke ça trapin shko komento te bota sot.

  • Anonim: 19/08/2022 17:54

    Asnje gje skan per te te dhen na u dogjen dhe ne kurbin dhe i mori fran piroli i bashkis se kurbinit Me plehrat e vet.dhe spiunet.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Dronë misteriozë shihen mbi tri baza amerikane në Britani

Dronë misteriozë shihen mbi tri baza amerikane në Britani

24 Nëntor, 07:41