POP 5

Lajmet më të lexuara të 5 minutave të fundit

Sport

Napoli përmbys Lazion, sot në fushë Roma dhe Interi

Carlo Ancelotti debuton me fitore në stolin e Napolit. Skuadra napoletane fitoi me përmbysje 2-1 ndaj Lazios ndeshjen e parë të këtij edicioni të Serisë A. Me vuajtje Juventusi mposhti 3-2 Chievon, ndërsa sot zbresin në fushë Roma dhe Interi.
Napoli përmbys Lazion, sot në fushë Roma dhe Interi

Lojtarët e Napolit

I shkon Napolit ndeshja e parë e madhe e Serisë A për sezonin 2018-2019. Djemtë e drejtuar nga Carlo Ancelotti fituan me përmbysje 2-1 ndaj Lazio në “Olimpico” të Romës duke siguruar tre pikët e para.

Bardhekaltërit shënuan të parët me Ciro Immobile në minutën e 25-të ndërsa barazpeshën për Napolin e vendosi polaku Arek Milik që shënon pas asistit të dhënë nga Callejon. Kur kishte kaluar rreth një orë lojë Lorenzo Insigne shënon një supergol. Sulmuesi i napoletanëve mposht Strakoshën dhe i jep fitoren Hysajt në derbin mes shqiptarëve.

Tre pikë të vuajtura për kampionët e Juventusit në ndeshjen e parë të Serisë A që erdhën po me përmbysje. Bardhezinjtë fituan 3-2 ndaj Chievos në Verona. Cristiano Ronaldo nuk gjeti golin në debutim por në stadiumin Bentegodi ndodhi gjithçka. Skuadra e Allegrit kaloi në avantazh me Khedirën por vendasit e përmbysën rezultatin me dy golat e Stepinskit dhe të Giacherini me penallti.

Juventusi ngulmon të shënojë dhe një autogol i Bani barazon shifrat deri tek goli i fitores për Juven që vjen nga Federico Bernardeschi në minutën e 93-të. Ndërsa sot në kuadër të javës së parë zbret në fushë Roma që luan ndaj Torinos në transfertë. Me shumë interes pritet edhe debutimi i Interit të Spalletit. Zikaltërit luajnë ndeshjen e parë në fushën e Sassuolo ku do kërkojnë të tregojnë se janë ata skuadra anti-Juve.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?

Lajme të tjera



×

Lajmi i fundit

'Plazhet e Lezhës janë në kapacitete absolute', nënkryetari i bashkisë për Studio Live: Sfidoj këdo, nga portalet nuk merret vesh e vërteta

'Plazhet e Lezhës janë në kapacitete absolute', nënkryetari i bashkisë për Studio Live: Sfidoj këdo, nga portalet nuk merret vesh e vërteta

22 Korrik, 20:19