POP 5

Lajmet më të lexuara të 5 minutave të fundit

Politikë

Nafta në Shpirag/ Deputetja e PD-së, Jorida Tabaku: Shpresojmë që renta të mos ketë fatin e kromit! Na tregoni si do të menaxhohet

Deputetja demokrate, Jorida Tabaku ka dhënë një koment lidhur me naftën që u zbulua në Shpirag. Tabaku thotë se Shqipëria është shumë e bekuar nga pasuri të shumëllojshme por fatkeqsisht nuk ka përfitime ekonomike.

Nafta në Shpirag/ Deputetja e PD-së, Jorida Tabaku: Shpresojmë që renta të mos ketë fatin e kromit! Na tregoni si do të menaxhohet

Jorida Tabaku

Deputetja demokrate, Jorida Tabaku ka dhënë një koment lidhur me naftën që u zbulua në Shpirag. Tabaku thotë se Shqipëria është shumë e bekuar nga pasuri të shumëllojshme por fatkeqsisht nuk ka përfitime ekonomike. Tabaku u shpreh se tani është koha për veprim dhe jo për premtime boshe dhe se shpresonte që renta për naftën të mos ketë fatin e kromit. 

“Lajmi aq shumë shpresëdhënës për ekonominë tonë është mundësia e një rezerve nafte në zonën e Shpiragut. Një oportunitet që prej dekadash a më shumë mban shpresat e Shqipërisë varur, sidomos duke pasur parasysh mundësitë dhe përfitimet ekonomike për vendin.

Lajm të cilin vit pas viti e kemi festuar e gëzuar po aq sa dhe hapja e negociatave, po përtej ironisë e gëzimit besoj do jetë një mundësi e mirë dhe për të parë se si mund të kemi një model ndryshe të menaxhimit të burimeve natyrore e pasurive kombëtare.

Duke pasur parasysh se si është keqmanaxhuar, vjedhur dhe zaptuar pasuria e një prej burimeve më të mëdha të Europës Kontinentale në Patoz Marinzë, secili ka të drejtë të pyesë se si do menaxhohet zbulimi i pritshëm?

Shqipëria e bekuar nga Zoti me pasuri të shumëllojshme nuk ka pasur asnjë përfitim në kuptimin material dhe mbi të gjitha ekonomik. Premtime ka pasur pa fund!

Zotime politike padyshim pafund! Por realiteti gjithnjë ka çeduar e asnjë përfitim nga  porte e aeroporte të përqendruara në pak duar, as nga karburanti e minerale. 

Prandaj shpresojmë që renta të mos ketë fatin e kromit që është përjashtuar e shfrytëzimi i asaj pasurie kombëtare nuk sjell asgjë as në buxhetin e shtetit as atë lokal.

Nuk ka nevojë për ligjërime me patos e pasion për Shqipërinë, po kushdo që ka privilegjin e vendimmarrjes ta tregojë me shembuj dashurinë për vendin. “- shkruan Tabaku.

Ministria e Infrastrukturës dhe Energjisë dha detaje nga përfitimet që do të ketë Shqipëria. Kontrata me kompaninë zgjat 25-30 vite. SHELL do të paguajë 10% rentë minerare dhe 50% tatim fitim. SHELL do të paguajë nga 250 mijë dollarë deri në 1.5 mln dollarë në vit, në varësi të prodhimit. Bonusi i prodhimit do jetë 250 mijë dollarë për fuqinë e parë, ndërsa 1.5 milionë dollarë kur prodhimi arrin 30 mijë fuçi në ditë. Pritet të angazhohen edhe 5 mijë punonjës, shumë prej tyre shqiptarë.

G.MO/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Mergimtari: 24/08/2023 14:53

    Shqiperia,eshte vertet e bekuar nga zoti por,e dhjere nga politikanet qe erdhen ne pushtet pas permbysjes te "diktatures"Politika e grabitjes te pasurise te vendit,e sidomos e naftes jane fatkeqesi per vendin.Shqiperia ne vitet 80-t te shekullit te kaluar nxirte nga nentoka rrethh dy milion ton nafte ne vit.Kjo nafte perpunohej ne kater rafineri.Te ardhurat per ekonomin e vendit ishin te jashtezakonshme."Nafta can bllokaden".Qe nga 1990-ta e ketej shqiperise i merret nafta dhe ne buxhet nuk shkon asnje leke.Ku shkojne te ardhurat?Sa per studime,se ku gjenden mineralet e vendit kane qene te percaktuara shume sakt nga specialistet tane qe sot i shfrytezojne te huajt.Pse ?E gjithe politika e ketyre 33-viteve eshte politik e grabitjes nga politikanet tane te pa ngopur,ku ben pjese edhe Znj.Tabaku.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Dy ish kunatat, Nora Istrefi e Tuna bëhen bashkë, këndojnë mbi arkivol 'My love' 

Dy ish kunatat, Nora Istrefi e Tuna bëhen bashkë, këndojnë mbi arkivol 'My love' 

26 Dhjetor, 07:53