NATO: Aktualisht kemi prezencë të mjaftueshme në Kosovë

NATO nuk ka pranuar kërkesën e qeverisë së Kosovës për të shtuar trupat e misionin e saj, KFOR. Një zyrtar i NATO-s ka folur për Radio Evropa e Lirë dhe ka theksuar se KFOR ka të gjitha kapacitetet e nevojshme për ofruar siguri dhe lëvizje të lirë për të gjithë qytetarët e Kosovës. Ai ka thënë se çdo ndryshim, për shtimin ose jo të trupave, merret bazuar në kushte të caktuara dhe se si paraqitet situata në Kosovë.

“KFOR-i mbetet plotësisht i aftë për të përmbushur misionin në përputhje me mandatin e tij të Kombeve të Bashkuara”, tha zyrtari i NATO-s.

LEXO EDHE:
Dënohet me 15 muaj burgim dhe 12 mijë euro gjobë i akuzuari për sulm ndaj KFOR-it dhe Policisë në Zveçan

“Trupat e KFOR-it po monitorojnë nga afër situatën në terren dhe janë plotësisht të përgatitura për të ndërhyrë nëse stabiliteti, siguria dhe liria e lëvizjes janë në rrezik”, tha zyrtari i NATO-s për REL-in.

Lajmi kryesor:

KFOR largon dy kamionët e fundit në veri! NATO: Kemi prezencë të mjaftueshme në Kosovë! Osmani thirrje ndërkombëtarëve: Përgjigja ndaj Serbisë të jetë e unifikuar

SI.E./Shqiptarja.com

TAG:
• KFOR
• tensione ne veri te kosoves