Presidenti i Ukrainës dhe kryeministri i Shqipërisë nënshkruan deklaratë të përbashkët për integrimin euro-atlantik të Ukrainës.
Burime zyrtare nga Ambasada e Ukrainës në Tiranë, thanë për DË (21.09), se ”Presidenti i Ukrainës, Volodymir Zelensky, dhe kryeministri i Shqipërisë, Edi Rama, nënshkruan një deklaratë të përbashkët për integrimin euro-atlantik të Ukrainës.
Me deklaratën e nënshkruar nga presidenti ukrainas Zelensky dhe kryeministri shqiptar Rama, Shqipëria bëhet vendi i 25-të që zyrtarizon në mënyrë të qartë mbështetjen për anëtarësimin e Ukrainës në Aleancën Euro-Atlantike, theksojnë burimet nga Ambasada e Ukrainës në Tiranë.
Të njëjtat burime bëjnë me dije që në takimin dypalësh, kryeministri i Shqipërisë, Edi Rama njoftoi "zyrtarisht gatishmërinë e Shqipërisë për t'iu bashkuar Deklaratës së Përbashkët të G7-për mbështetjen e Ukrainës lidhur me dhënien e garancive të sigurisë."
Me këtë njoftim zyrtar Shqipëria bëhet vendi i 29-të në listën e aleatëve të Ukrainës. Garancitë efektive të sigurisë duhet t'i jepen Ukrainës para se ajo të bëhet anëtare e NATO-s. Shqipëria kryeson për herë të dytë Këshilin e Sigurimit të OKB-së.
Ambasada Gjermane në Tiranë uron Shqipërinë
Shqipëria u bë anëtare e OKB-së më 14 dhjetor 1955. Për herë të parë ajo u bë anëtare jo e përhershme e Këshillit të Sigurimit (KS) të OKB-së më 1 janat 2022 me një mandat dy vjeçar 2022-2023. Pas qershorit 2022 ajo mori për herë të dytë, në shtator të këtij viti, presidencën një mujore të Këshillit të Sigurimit të OKB-së, gjë që përkon në kohë me drejtimin e një prej seancave më të rëndësishme në dekadën e fundit, atë kushtuar agresionit të paligjshëm dhe të paprovokuar të Rusisë ndaj Ukrainës.
"Debati i nivelit të lartë synon të mobilizojë gjithë botën në përpjekjet e përbashkëta për të dënuar luftën në Ukrainë dhe rritur trysninë ndaj Rusisë për të kthyer rrugë dhe për t'i lënë vend nisjes së procesit të paqes së drejtë”, publikoi kryeministri Rama qëllimin e kësaj seance të drejtuar prej tij në sallën e Këshillit të Sigurimit të OKB, Në Nju York.
"Shqipëria ka vendosur të verë theksin në nevojën thelbësore për një veprim efektiv shumëpalësh, si metoda më e mirë për zgjidhjen e problemeve të përbashkëta, sidomos të paqes e sigurisë, si në diskutimin e Këshillit të Sigurimit (KS) ashtu edhe më gjerë, mes anëtarëve të Kombeve të Bashkuara” tha Kryeministri Rama, sipas Zyrës së Shtypit në Kryeministri.
Ambasada Gjermane në Tiranë i ka uruar suksese Shqipërisë në fillimin e presidencës së saj të dytë të KS të OKB duke e cilësuar rolin e Shqipërisë, "një rol kyç në ruajtjen e paqes dhe sigurisë botërore, zgjidhjes së konflikteve dhe mbrojtjes të së drejtave të njeriut në nivel global, përfshirë edhe agresionin rus në Ukrainë”/DW
Lajme të tjera
-
Protestat kundër Izraelit dhe NATO-s në Montreal, kryeministri Trudeau dënon dhunën
23 Nëntor, 22:08 -
Poloni, fermerët bllokojnë kalimin kufitar me Ukrainën
23 Nëntor, 20:39 -
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
'Gati shqipe', turi me diasporën, Rama nesër takim me shqiptarët e Londrës! Pamje nga salla
23 Nëntor, 07:32 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
‘S’është koha për bashkim me Shqipërinë’, Kurti: Qëllimi i Serbisë është hakmarrja, duhet të jemi të përgatitur për këtë
22 Nëntor, 10:32 -
Bregu: SEPA në Ballkan, një hap i madh drejt BE
22 Nëntor, 09:25
