“Nuk kemi asnjë plan për të lënë Kosovën. KFOR-i luan një rol të rëndësishëm në ruajtjen e sigurisë dhe stabilitetit në Kosovë”, ka deklaruar Stoltenberg në një konferencë për shtyp.
Numri një i Aleancës ka nënvizuar se misioni ushtarak bazohet nga kushtet në terren dhe vetëm duke iu referuar atyre mund të bëhet një reduktim i trupave.
“Ky është parimi i punës sonë dhe për momentin një gjë e tillë nuk është në axhendë, pasi situata në terren e kërkon praninë e NATO-s”, ka thënë Stoltenberg.
![](https://shqiptarja.com/template/img/NO_ALFA_Kuadrate shqiptarja.png)
Sa i takon përpjekjeve të Prishtinës zyrtare për krijimin e forcave të armatosura të Kosovës, zyrtari i lartë është përgjigjur. “Çdo ndryshim i mandatit të Forcës së Sigurisë së Kosovës duhet të bëhet në përputhje me kushtetutën e këtij vendi”, ka shtuar Stoltenberg.
G.F. / Shqiptarja.com
![](https://www.shqiptarja.com/template/img/sh_logo1.png)