Lideri i opozitës ruse Alexei Navalny, i cili është i burgosur, thotë se kundër tij ka nisur një hetim i ri, këtë herë me akuza për terrorizëm dhe se ai do të gjykohet nga një gjykatë ushtarake për akuzën “absurde”.
Navalny e bëri këtë deklaratë në një seancë dëgjimore, më 26 prill, në Gjykatën e Qarkut Basmanny të Moskës, përmes një videoje.
“Ata bënë akuza absurde, të cilat më kërcënojnë me 30 vjet burg”, tha ai në deklaratën e postuar në rrjetet sociale nga mbështetësit e tij.
“Hetuesi Vidyukov tha dje se rasti për terrorizëm është iniciuar veçmas nga ky rast dhe se unë, duke qenë në burg, kryej sulme terroriste”, shtoi ai.
Navalny u shfaq në seancë përmes video-lidhjes nga burgu në rajonin e Vladimirit. Vetëm pak minuta pasi nisi seanca, gjyqtarja Yevgenia Nikolayeva vendosi që ajo të mbahej me dyer të mbyllura.
“Përpjekja për të mbajtur këtë seancë me dyer të mbyllura është një përpjekje për të kufizuar në mënyrë të paligjshme qasjen time në materialet e çështjes dhe një përpjekje për të bërë gjithçka që është e mundur që askush të mos marrë vesh për të”, tha Navalny dhe shtoi se materialet e rasti përbëhen nga 196 vëllime.
Bashkëpunëtori i Navalny-t, Ivan Zhdanov, tha më herët se hetuesit i kishin dhënë Navalny-t, i cili është avokat i arsimuar, vetëm një ditë për t’u njoftuar me 700 faqe të materialit për rastin. Rasti nisi në tetor kundër të korruptuarve dhe bashkëpunëtorëve të tyre, pasi që fondacioni anti-korrupsion i Navalny-t ishte shpallur si ekstremist.
Më pas, ata u akuzuan për organizimin dhe mbështetjen financiare të një grupi ekstremist.
Navalny tha se një tjetër çështje u hap kundër tij në tetor, me akuzën e propagandimit të terrorizmit dhe nazizmit, për shkak të deklaratave të bëra nga bashkëpunëtorët e tij në kanalin Popular Politics në YouTube. Ata kritikuan presidentin rus Vladimir Putin dhe qeverinë e tij dhe dënuan pushtimin e Ukrainës nga Moska.
Shërbimi Federal rus i Sigurisë (FSB) pretendoi në fillim të këtij muaji se bashkëpunëtorët e Navalny-t, së bashku me shërbimet sekrete ukrainase, ishin të përfshirë në vrasjen e gazetarit dhe propaganduesit pro-Kremlinit, Vladlen Tatarsky, në qytetin e dytë më të madh të Rusisë, Shën Petersburg, në fillim të prillit./ REL
Lajme të tjera
-
Kazakistan/ Avioni me 67 persona në bord dyshohet se u godit nga rusët, vetëm 28 mbijetuan
26 Dhjetor, 07:25 -
Analiza e VOA: Demokracia në provë në Evropën Lindore mes akuzave për ndërhyrje nga Rusia
25 Dhjetor, 19:34 -
25 vjet Putin, nga miku në armik
25 Dhjetor, 12:41 -
Lufta/ Rusia sulm masiv me raketa në Kharkiv ditën e Krishtlindjes! Zelensky: 2025 të bëhet viti i paqes për Ukrainën
25 Dhjetor, 08:15 -
Anija e sanksionuar ruse fundoset në Detin Mesdhe, 2 të zhdukur
24 Dhjetor, 15:12 -
Kremlini hedh poshtë raportimet se gruaja e Assadit ka kërkuar divorc
23 Dhjetor, 18:38 -
Shefi i NATO-s i shqetësuar për sigurinë afatgjate të aleancës
23 Dhjetor, 16:58 -
Seuli thotë se Koreja e Veriut po përgatitet të dërgojë më shumë trupa dhe armë në Rusi
23 Dhjetor, 13:05 -
I dërguari special për Ukrainën dhe Rusinë/ Trump emëron gjeneralin Keith Kellogg për një fund të shpejtë të luftës
23 Dhjetor, 10:11 -
Pasi u rrëzua nga pushteti në Siri, Assadit i ndodh e papritura! Gruaja i kërkon divorcin
23 Dhjetor, 09:38 -
Lufta në Ukrainë/ Më shumë se 1000 ushtarë të Koresë Veriut kanë rënë në front për Rusinë
23 Dhjetor, 08:18 -
NATO trajnon trupat ushtarake ukrainase në Lituani dhe Poloni
22 Dhjetor, 21:59
