SHBA - Elita e basketbollit amerikan, NBA zhvilloi dhjetë ndeshjet e radhës në parket. Sukses për Cleveland, Boston dhe Lakers, teksa Golden State i ka dhënë leksion Denver. Kryesuesit e Oklahomas pësuan humbje.

Pasi mposhti Lakers një ditë më parë, ekipi i Golden State fitoi edhe kundër Denver, 118-104, në një tjetër përballje mes ekipesh pretendente në Perëndim. Sërish Curry protagonist në fushë me 36 pikë.

Fitore në sekondën e fundit për Cleveland, që mundi 114-113 San Antonio dhe mbron kreun e renditjes në Lindje. Mitchell me 26 pikë e Mobley me 25 pikë u dalluan për Cavaliers.

Humbet skuadra e Oklahoma, 125-111 në fushën e Houston, por ruan kreun e renditjes në NBA. Jalen Green me 34 pikë ishte më i miri për teksanët. Pa probleme fitojnë Lakers, 124-108 ndaj New Orleans, ndeshje ku Doncic realizoi 35 pikë, Reaves 30 e James 27 pikë.

Kampionët në fuqi të Boston fituan 123-103 kundër Phoenix, sfidë ku Brown realizoi 31 pikë. Skuadra e Clippers falë një loje të mirë kolektive (6 lojtarë realizuan mbi 10 pikë), mundi 114- 91 Dallas.

Rezultatet:

Indiana – Utah Jazz, 140-112

Boston – Phoenix, 123-103

Toronto – Detroit, 105-117

Chicago – Portland, 118-113

Houston – Oklahoma, 125-111

San Antonio – Cleveland, 113-114

Golden State – Denver, 118-104

Clippers – Dallas, 114-91

Lakers – New Orleans, 124-108

Charlotte – Sacramento, 102-125

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 14 Janar, 18:35

    Arratisja e Ndocit, mendoni se Burgjet kanë standardet e duhura të sigurisë?

Lajme të tjera