SHBA - Indiana Pacers ka marrë një fitore të rëndësishme në ndeshjen e gjashtë ndaj Oklahoma City Thunder, duke mundur kundërshtarët me rezultatin 108-91. Seritë finale të play-off janë barazuar tanimë në 3-3 dhe titulli kampion në basketbollin elitar amerikan do vendoset më 22 qershor në ndeshjen e shtatë dhe të fundit. Ndeshja 'zgjati' vetëm 12 minuta, pasi Pacers arritën të vendosnin ritmin dhe të merrnin një avantazh të pakthyeshëm.

Në dy periodat e para, Indiana ishte e pakapshme në parket duke siguruar një avantazh të thellë prej 22 pikësh. Ky avantazh u ruajt deri në fund, falë një performance të shkëlqyer të Tyrese Haliburton dhe ekipit të tij. Haliburton ishte udhëheqësi i Pacers me lojën e tij dhe shpërndarjen e topave.

Pascal Siakam dha një kontribut të madh me 16 pikë dhe 13 topa në tabelë, ndërsa lojtarët e stolit ishin në lartësinë e detyrës. Obi Toppin shënoi 20 pikë, ndërsa T.J. MCconnell kontribuoi me 12 pikë.

Me këtë rezultat seria finale e play-off është barazuar në 3-3 dhe tashmë gjithçka për titullin kampion do të vendoset në ndeshjen e shtatë dhe të fundit që do të zhvillohet në Oklahoma City.

Finalet play off të NBA:

Nd.1, Oklahoma - Indiana, 110-111

Nd.2, Oklahoma - Indiana, 123-107

Nd.3, Indiana - Oklahoma, 116-107

Nd.4, Indiana - Oklahoma, 104-111

Nd.5, Oklahoma - Indiana, 120-109

Nd.6, Indiana - Oklahoma, 108-91 (3-3)

Nd.7, Oklahoma - Indiana, 22 qershor

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 14 Mars, 23:51

    18 vite nga Gërdeci, a besoni se do ndëshkohen përgjegjësit e vërtetë?

Lajme të tjera