POP 5

Lajmet më të lexuara të 5 minutave të fundit

Kronikë

Ndërrimi i viteve, rritet fluksi i
emigrantëve në doganat e vendit

Festa e fundvitit dhe dëshira e shqiptarëve për të festuar pranë familjeve të tyre ka bërë që kthimi i emigrantëve të shtojë fluksin në doganën e Kapshticës, Kakavijës dhe Qafë-Thanës.
 
TIRANE - Festa e fundvitit dhe dëshira e shqiptarëve për të festuar pranë familjeve të tyre ka bërë që kthimi i emigrantëve të shtojë fluksin në dogana.
 
Numri më i madh i emigrantëve është shënuar në pikën e kalimit kufitar të Kakavijës, ku mësohet se vetëm gjatë 24 orëve të fundit kanë hyrë në territorin tonë 5739 shtetas shqiptarë me 1397 automjete dhe kanë dalë 3297 shtetas shqiptarë me 742 automjete.

Sipas të dhënave pala shqiptare punon me 5 sportele në hyrje dhe 4 në dalje ndërsa pala greke punon me 3 sportele në hyrje dhe 3 në dalje.

Kurse në doganën e Kapshticës gjatë 24-orëve të fundit kanë hyrë 4277 shtetas shqiptarë me 981 automjete dhe kanë dalë 1854 shtetas shqiptarë me 383 automjete. Në këtë pikë kufitare kanë hyrë 255 shtetas të huaj me 141 mjete dhe kanë dalë 193 shtetas të huaj me 122 mjete.

Ndërkohë në pikën Kufitare të Qafë-Thanës gjatë 24-orëve të fundit kanë hyrë 719 shtetas shqiptarë me 235 automjete dhe kanë dalë 701 shtetas shqiptarë dhe 205 automjete. Ndërsa mësohet se kanë hyrë 802 shtetas të huaj me 194 mjete dhe kanë dalë 495 shtetas të huaj me 208 mjete.

Krahasuar me të njëjtën periudhë të një viti më parë numri i emigrantëve të kthyer ka pësuar një rënie të ndjeshme me 20-30 %. Faktori kryesor duket se është kriza ekonomike, çka bën që emigrantët të qëndrojnë në vendin e tyre të punës. Ndërkohë që edhe ditën e qëndrimit të emigrantëve pranë familjes do të jenë më pak, krahasuar me një vit më parë.

Deri tani nuk konstatohen radhë në pika doganore të Kakavijës dhe Kapshticës por vetëm një shtim të fluksit të emigrantëve që kthehen të festojnë në atdhe.

Redaksia online
(eç/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Rama: TikTok do ia mbyll derën qeveria, por këtij llumi duhet tia mbyllë dyert populli në zgjedhjet e pranverës

Rama: TikTok do ia mbyll derën qeveria, por këtij llumi duhet tia mbyllë dyert populli në zgjedhjet e pranverës

12 Janar, 11:33