Ndahet nga jeta në moshën 72-vjeçare, Yukiya Amano drejtori i Përgjithshëm i ANEA (Agjencisë Ndërkombëtare e Energjisë Atomike). Presidenti Ilir Meta është shpehur i hidhëruar për këtë fakt. Meta shkruan se Shqipëria humbi një mik dhe mbështetës të fuqishëm të zhvillimit të saj.
"Hidhërim për ndarjen nga jeta të Drejtorit të Përgjithshëm të ANEA, Yukiya Amano. Diplomat i shquar japonez që udhëhoqi një nga organizmat më të rëndësishme shumëpalshe në një periudhe sfidash globale. Nën drejtimin e tij, u arritën rezultate të prekshme për objektivin "Atoms for Peace and Development", si dhe në mospërhapjen e armëve bërthamore. Shqipëria humbi një mik dhe mbështetës të fuqishëm të zhvillimit të saj. Vizita e tij në Shqipëri në korrik 2011 i dha shtysë përmirësimit të metodave bërthamore në mjekësinë shqiptare dhe në fusha të tjera. Ngushëllime familjes, bashkëpuntorëve të tij, si dhe qeverisë mike Japoneze", shkruan Meta.