Ndahet nga jeta gazetari i njohur amerikan, u rrëmbye dhe u mbajt peng për shtatë vjet gjatë luftës civile në Liban

Gazetari amerikan Terry Anderson, i cili u mbajt peng për gati shtatë vjet gjatë luftës civile në Liban, ka vdekur në moshën 76-vjeçare.

Anderson ishte korrespondenti kryesor për Lindjen e Mesme për Associated Press kur u kap nga militantët islamikë në 1985 gjatë asaj që u bë e njohur si kriza e pengjeve në Liban.

Ai vdiq në shtëpinë e tij në Greenwood Lake, Nju Jork, të dielën, tha vajza e tij. Sulome Anderson tha se i ati kishte gjetur paqe vitet e fundit.

"Asnjëherë nuk i pëlqente të quhej hero, por të gjithë këmbëngulën ta quanin atë”, tha ajo.

Anderson u rrëmbye në Bejrut më 16 mars 1985. Ai sapo kishte mbaruar së luajturi tenis kur persona të armatosur e tërhoqën zvarrë në një makinë dhe u larguan me shpejtësi.

Ai do t'i kalonte gjashtë vitet e nëntë muajt e ardhshëm i lidhur në qeli nëntokësore me zinxhirë dhe me sy të lidhur për pjesën më të madhe të kohës, si një nga më shumë se 100 personat e ndaluar në Liban.

SI.E./Shqiptarja.com

TAG:
• SHBA
• Terry Anderson