Ndahet nga jeta në moshën 80 vjeçare ish-deputet i Partisë Socialiste në qarkun e Korçës, Niko Faber.
Faber ka ndërruar jetë për si pasojë e një ataku kardiak mëngjesin e së dielës.
Ish deputeti Faber ka qenë deputet në legjislaturën 1997-2001 dhe 2001-2005, si pjesë e grupit parlamentar socialist. Edhe pas karrierës në politike, Niko Faber ka qenë tepër aktiv për problematikat e qytetit të Korçës,
Ish-ministri i Financave Arbe Malaj ka shprehur ngushëllimet për ndarjen nga jeta të Faber.
“Një lajm i hidhur për vdekjen e papritur të ekspertit studiuesit dhe deputetit Niko Fabri. Përherë i angazhuar për sfidat e bujqësisë dhe problemet specifike të zonës të tij elektorale. Ngushëllime familjes, miqve dhe kolegëve. I paharruar! U prehtë në paqe! I qofte i lehte dheu i kësaj toke deputetit model, të dashurit Niko Faber! Arbeni’, shkruan Malaj.
Kryetari i Kuvendit, Gramoz Ruçi ka shprehur ngushëllimet për ndarjen nga jeta të ish deputetit Niko Faber. Ruçi shprehet se Faber ishte shembulli i maturisë, qytetarisë dhe ndërtoi modelin e deputetit shqiptar, shembull për t'u ndjekur nga kolegët e tij.
“Me trishtim mora vesh ndarjen nga jeta të ish deputetit Niko Faber. Niko Faber ka shërbyer për dy mandate, 1997-2001 dhe 2001-2005 si deputet i Kuvendit të Shqipërisë, i zgjedhur në qarkun e Korçës. Përkushtimi, maturia, qytetaria, kultura legjislative dhe lidhjet e ngushta me zgjedhësit dhe qytetarët ishin cilësi të vyera të kolegut tim Niko Faber. Këto cilësi ai i shfaqi në jetën dhe veprimtarinë e tij parlamentare, politike e shoqërore dhe nëpërmjet tyre ndërtoi një model të deputetit shqiptar, një shembull referimi për kolegët dhe gjithë funksionarët publikë në Shqipëri. Në emër të Kuvendit të Shqipërisë, si edhe në emrin tim personal i shpreh familjes, bashkëshortes, vajzës, djalit dhe të afërmve, ngushëllimet më të ngrohta për humbjen e njeriut të dashur”, shkruan Ruçi.
Presidenti Ilir Meta ka shprehur ngushëllimet për ndarjen nga jeta të ish deputetit socialist, Niko Faber. Meta shprehet se Faber ishte një njeri me kontribut të madh qytetar jo vetëm në Korçë, por në të gjithë vendin.
"Lajm shumë i trishtë dhe befasues për mua ndarja nga jeta e ish-deputetit Niko Faber. Kontributi i Tij publik, si në Korçë dhe në nivel kombëtar do mbetet gjithmonë i nderuar. Do na marrë malli gjithnjë e më shumë për burra të tillë, patriotë, me dinjitet dhe kontribut qytetar. Jam pranë familjes Faberi, të afërmve dhe të gjithë miqve të Tij në këtë ditë tragjike. I përjetshëm kujtimi i Tij", shkruan Meta.
Komente
Mund te ketw qene intelektual,por per deputet i ka ngrene haram ato leke qe ka marre se sju ka degjuar zeri Kurre ne parlament,thjesht nje cope mishi me shume.
PërgjigjuMe hidherim mesova per ndarjen nga jeta te mikut tim,Niko Faberi.Me kete rast ju shprhe ngushellimet e mija me te thella,familjes,te afermeve dhe miqve te shumte te tij.BAshkepunova me te ne komitetin ekzekutiv te Korces,por dhe me vone.Kisha dhe ruaj respekt per njohurite e tija shkencore ne fushen e blektorise,per marredheniet e tij korrekte me specialistet e bazes.Me vjen mire qe ne viziten e fundit ne Shqiperi pata rastin te takohem,te pi nje kafe dhe te bashkebisedoja me te mbi dy ore,per problemet e kohes,por edhe per plot verejte te tij dhe te mijat per administrimin jo te mira te sektorit te blektorise,per investimet e pa mjaftueshme ndaj ketij sektori me synim dhe eksportin,ashtu sic ishte ve vitet e mbreterise.Me ndarjen e tij nga jeta,familja humbi njeriun e shtrenjte te saj,miqte dhe shoket humben nje mik te vyer,ndersa blektorija shqiptare humbi nje specialist te zot dhe kompetent. U prehte ne paqe dhe u kujtofte gjithmone,Niko Faber!
Përgjigju