Ndërron jetë ish deputeti socialist, Ruçi: Ndërtoi modelin e deputetit shqiptar, shembull për kolegët

Kryetari i Kuvendit, Gramoz Ruçi ka shprehur ngushëllimet për ndarjen nga jeta të ish deputetit Niko Faber. Ruçi shprehet se Faber ishte shembulli i maturisë, qytetarisë dhe ndërtoi modelin e deputetit shqiptar, shembull për t'u ndjekur nga kolegët e tij.

“Me trishtim mora vesh ndarjen nga jeta të ish deputetit Niko Faber. Niko Faber ka shërbyer për dy mandate, 1997-2001 dhe 2001-2005 si deputet i Kuvendit të Shqipërisë, i zgjedhur në qarkun e Korçës. Përkushtimi, maturia, qytetaria, kultura legjislative dhe lidhjet e ngushta me zgjedhësit dhe qytetarët ishin cilësi të vyera të kolegut tim Niko Faber. Këto cilësi ai i shfaqi në jetën dhe veprimtarinë e tij parlamentare, politike e shoqërore dhe nëpërmjet tyre ndërtoi një model të deputetit shqiptar, një shembull referimi për kolegët dhe gjithë funksionarët publikë në Shqipëri. Në emër të Kuvendit të Shqipërisë, si edhe në emrin tim personal i shpreh familjes, bashkëshortes, vajzës, djalit dhe të afërmve,  ngushëllimet më të ngrohta për humbjen e njeriut të dashur”, shkruan Ruçi.


Lajmi kryesor:

Ndahet nga jeta si pasojë e një ataku kardiak ish-deputeti socialist, Niko Faber! Meta: Njeri me kontribut të madh qytetar


I.K./Shqiptarja.com
  • Sondazhi i ditës:

    Me lista të hapura dhe pa koalicione, a është kjo mënyra që doni të votoni?



×

Lajmi i fundit

John

'Whatsapp' nuk punon!' Përdoruesit hasin probleme në të gjithë botën për të dërguar mesazhe