POP 5

Lajmet më të lexuara të 5 minutave të fundit

Politikë

'Ndal presionin mbi SPAK!' KLP reagon ndaj sulmit të Sali Berishës në hetim për aferën Partizani: Askush të mos cënojë prokurorët

Këshilli I Lartë i Prokurorisë ka dalë në mbrojtje të prokurorëve të SPAK të cilët sulmohen publikisht nga Sali Berisha.

Këshilli I Lartë i Prokurorisë ka dalë në mbrojtje të prokurorëve të SPAK, Arben Kraja dhe Enkeleda Millonai të cilët sulmohen publikisht nga Sali Berisha pasi po hetojnë dosjen e privatizimit të ish kompleksit Partizani. Berisha akuzohet për korrupsion pasiv ndërsa dhëndri i tij, Jamarbër Malltezi për korrupsion pasiv dhe pastrim parash.

“Këshilli i Lartë i Prokurorisë, dënon çdo shprehje, veprim fyes dhe intimidues që synon të denigrojë në mënyrë të padrejtë figurën e prokurorëve apo të ushtrojë presion ndaj tyre, duke i bërë thirrje gjithkujt të mos cenojë në asnjë mënyrë punën profesionale të prokurorëve të Prokurorisë së Posaçme. Çdo subjekt i përfshirë në veprimtarinë ligjore të prokurorisë, ka të drejtë të paraqesë çdo pretendim, ankesë apo kundërshtim në Gjykatën kompetente të parashikuar nga ligji për dhënien e drejtësisë. Kjo, në një shtet demokratik, është e vetmja mënyrë për të arritur tek e vërteta” thuhet në deklaratën e sotme të KLP-së.

Në të njëjtën kohë Këshilli mbështet pa rezerva veprimtarinë ligjore të prokurorëve të sipër përmendur dhe të çdo prokurori të sistemit të prokurorisë, duke i inkurajuar ata të vijojnë të ushtrojnë me kompetencë dhe pavarësi të plotë funksionin e tyre për ngritjen dhe përfaqësimin e akuzës ndaj kujtdo, në emër të shtetit shqiptar, të pa ndikuar nga askush.

“Këshilli i Lartë i Prokurorisë, përfiton nga rasti të shprehë konsideratën e lartë për prokurorët e Prokurorisë së Posaçme për misionin që kanë marrë angazhim të kryejnë, por edhe si personalitete me integritet të lartë. Rezultatet e punës së kësaj strukture, aktualisht janë vlerësuar pozitivisht nga të gjithë aktorët në vend, duke bërë të mundur rritjen e besimit të publikut tek drejtësia, pritshmëri kjo e reformës në drejtësi e ndërmarrë dhe miratuar në Kuvendin e Shqipërisë në dakordësi të plotë” thuhet në deklaratën e KLP-së

Së fundmi, Këshilli i Lartë i Prokurorisë iu bën thirrje të gjithë prokurorëve të Republikës të vijojnë punën me përgjegjshmëri të lartë në zbatim të kompetencave të tyre kushtetuese për ushtrimin e ndjekjes penale dhe përfaqësimin e akuzës në shërbim të shoqërisë.

Prej 20 nëntorit 2023 kur GJKKO firmosi masën ë sigurisë detyrim me paraqitje për Sali Berishën dhe arrestoi dhëndrin e tij Jamarbër Malltezi, ish kryeministri përmes deklaratave publike ka vijuar intimidimin publik ndaj prokurëve të cilët kanë në dorë dosjen e hetimit për aferën e privatizimi të kompleksit Partizani.

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • opd: 24/11/2023 16:23

    KLP paska bere sakrifice te madhe.Paska shkruar nje leter.Ngrini ore akuze ndaj kriminelit Berisha per kercenim te prokuroreve e gjykatesve dhe i vini prangat.

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56