Kryeministri Edi Rama, nga Ura Vajgurore, është ndalur që të komentojë edhe deklaratën e drejtueses së Prokurorisë së Krimeve të Rënda, Donika Prela mbi dosjen e përgjimeve të bëra publike nga gazeta gjermane "Bild".
Ai e ka cilësuar këtë reagim si të vonuar, në një kohë kur "vendi po ziente" me lajme të tilla. Rama ka theksuar Partia Demokratike po bën gjyqe publike, pa u bazuar në fakte apo prova, pasi sipas tij, mbi bazën e këtyre përgjimeve nuk mund të dilet në përfundimin që kryebashkiaku Vangjush Dako është fajtor. Këtë, theksoi kreu i qeverisë, e vendos vetëm drejtësia.
"Përgjimet e neveritshme, se askush nuk mund të çohet dhe të thotë që ne kemi hapur gojën apo për të çuar dorën për të penguar drejtësinë. Nuk na ka parë askush për të marrë në mbrojtje këdo qoftë që duhet të dalë para drejtësisë, ajo do e vendos kush është i fajshëm apo i pafajshëm. Drejtorin e Tatimeve ata (PD) e kishin të dënuar dhe e çonin përditë si të pafajshëm deri në vendimin e formës së prerë. Ne e kemi bërë të qartë ndarjen, drejtësia ka punën e vetë dhe prandaj jemi e vetmja forcë për të çuar deri në fund atë reformë në drejtësi. Ata duan që të bëjnë gjyqe popullore, pa prova, pa hetime pa asgjë", tha Rama.
Këto deklarata, kryeministri Edi Rama i bëri teksa ishte i pranishëm në Urën Vajgurore, ku prezantoi përpara banorëve kandidaten për kreun e Bashkisë, Juliana Memaj. Memaj rikandidon për një mandat të dytë, dhe sipas Ramës, kjo është një formë "shpërblimi" për këdo kandidat që ka punuar shumë fort për të bërë "Bashkinë që duam".
"Kemi marrë mbështetjen e njerëzve se e kemi merituar me punën që kemi bërë dhe me raportin që kemi ndërtuar me ne. Ne jemi shumë, ata janë shumë pak dhe do jenë gjithnjë e më pak, janë dembel e të paaftë për të drejtuar. Ndërsa ne pavarësisht të metave që kemi, jemi punëtor, i kemi rikandiduar bazuar te puna që kanë bërë", tha Rama.
Teksa i ka quajtur përgjimet e publikuara nga gazeta gjermane "Bild' si të neveritshme, Rama ka deklaruar se deri më tani PS nuk ka marrë askënd në mbrojtje...që do të thotë as kreun e Bashkisë së Durrësit Vangjush Dako. Ai tha se kryebashkiakut po i bëhet një gjyq popullor, pa prova e pa hetime, teksa tha se vetëm drejtësia do ta vendos nëse është fajtor apo jo. Mbi bazën e këtyre përgjimeve, ka theksuar Rama, nuk mund të dilet në një përfundim i tillë.
"Përgjimet e neveritshme, se askush nuk mund të çohet dhe të thotë që ne kemi hapur gojën apo për të çuar dorën për të penguar drejtësinë. Nuk na ka parë askush për të marrë në mbrojtje këdo qoftë që duhet të dalë para drejtësisë, ajo do e vendos kush është i fajshëm apo i pafajshëm. Drejtorin e Tatimeve e kishin të dënuar dhe e çonin përditë si të pafajshëm deri në vendimin e formës së prerë. Ne e kemi bërë të qartë ndarjen, drejtësia ka punën e vetë dhe prandaj jemi e vetmja forcë për të çuar deri në fund atë reformë në drejtësi. Ata duan që të bëjnë gjyqe popullore, pa prova, pa hetime pa asgjë", tha Rama.
Në fjalën e tij nga Ura Vajgurore, Rama është ndalur të komentojë edhe deklaratën e sotme të drejtueses së Prokurorisë për Krime të Rënda, Donika Prela mbi dosjen "339". Ai pranoi se ky reagim ka ardhur me vonesë, por theksoi se një gjë e tillë ka ndodhur sepse kjo qeveri nuk bën "drejtësi popullore". Sipas tij, në atë deklaratë mund të kuptohet mjaft mirë se kush i ka nxjerrë këto dosje dhe i ka çuar tek partia.
"Dëgjojeni deklaratën e drejtueses së Prokurorisë për Krime të Rënda. Me shumë vonesë për fat të keq, por ka shpjeguar arsyen se përse këto zbulime të mëdha, janë një abuzim i madh me ligjin dhe nxjerrjen e sekretit hetimor për politik dhe kundër Shqipërisë, dëgjojeni dhe lexojeni kush janë personat që i kanë mbajtur në sirtar. Prokurorët i kanë çuar te partia për t'i përdorur për politik, sepse i bashkon shumë gjera ata: Lufta kundër Reformës në Drejtësi. Prokurorë e politikanë që i tremben Reformës në Drejtësi. Të gjitha ato që kanë ndodhur "drejtësia vonon, por harron". Drejtësia ka vonuar shumë, por mos harroni që nuk po bëjmë drejtësi popullore, por ndërtojmë një sistem drejtësie me ndërkombëtarët ku prokurorët e gjykatësit nuk do të kenë lidhje me politikanët", tha Rama.
Marrëveshja e 2017, që i mundësoi opozitës pjesëmarrjen në zgjedhje është risjellë edhe një herë në vëmendje nga kryeministri Edi Rama, për të theksuar se nuk do të ketë një marrëveshje të dytë. Ai ka deklaruar se nuk do të ketë një "17 maj" të dytë dhe se fokusi i PS është vetëm fushata elektorale.
"I duruam pa fund, deri në sekondën e fundit kur shpëtova Lulin, morën gjysmën kryesore të Shqipërisë. Tani i doli gjumi nga shiu dhe filli prap avazin. Nuk është detyra jonë dhe as në mundësitë tona që ta shpëtojmë sërish Lulin", tha Rama.
Komente
Lajme të tjera
-
'Thuhet lart e poshtë ‘ai fiton, se opozita është e dobët!’ Rama 'thumbon' kritikët: Ka një arsye kryesore për fitoret e mia...!
24 Dhjetor, 19:53 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Kryeministri Rama ndan medaljet për 188 nxënës ekselentë: Jeni heronjtë e mi, ju kam zili! Manastirliu: Kini guxim të ëndërroni
24 Dhjetor, 11:59 -
Festat e fundvitit, fëmijët dhe prindërit e skuadrës së kryeministrisë festojnë së bashku
24 Dhjetor, 08:19 -
Çiklizëm/ 'Giro d’Italia' 2025 fillon nga Shqipëria me tre etapa, Rama: Garohet në Tiranë, Durrës dhe Vlorë! Ndiqet nga 800 milionë njerëz (Itinerari)
23 Dhjetor, 13:07 -
Deputeti i PDK-së flet për Report Tv: Fjalimi i Ramës në parlamentin e Kosovës gjithpërfshirës, dha mesazhe se jemi një! Negativiteti i Vetëvendosjes, i pashpjegueshëm
23 Dhjetor, 12:21 -
Do të shpërndahen mbi 20 mijë libra artistikë për bibliotekat shkollore, Rama: S’ka dhuratë më të bukur në këtë prag festash
23 Dhjetor, 08:38 -
Mbyllja e TikTok në Shqipëri/ The Telegraph: Ndalimi i parë i këtij lloji në Europë
23 Dhjetor, 08:18 -
Ndalimi i Tik Tok-ut, Rama i përgjigjet kompanisë kineze: Në Shqipëri vendosin shqiptarët jo pronarët e algoritmit! S' ka pse kërkon sqarime, mbrojmë fëmijët
22 Dhjetor, 17:12 -
Zhupa: Vrasjen e paramenduar të Ramës kundër Tik Tok për arsye elektorale nuk do ta lejojmë
22 Dhjetor, 12:52 -
Himarë, hipotekohen shtëpitë e trashëguara, Rama garanton: Do japim dhe AMTP-të! Parkim nëntokësor tek Fusha e Sportit, ndërhyjmë në Borsh
22 Dhjetor, 11:20
vigilantibus non dormientibus jura inveniut.
Përgjigju