Këshilli i Agjencisë për Media Elektronike në Mal të Zi mori vendim të shtunën për ndalimin e transmetimit të përmbajtjes programore të Televizionit nga Serbia, TV Happy për gjashtë muaj për shkak të "nxitjes së urrejtjes".
Agjencia për Media Elektronike (AME) thekson se vendimi është marrë për shkak se në një periudhë kohore në këtë televizion, pikërisht në emisionin “Mirëmëngjesi Serbi” ka pasur përmbajtje programore që ka nxitur urrejtje, intolerancë dhe diskriminim ndaj pjesëtarëve të nacionalitetit malazez.
“Agjencia për Media Elektronike kishte parasysh se përmbajtjet programore përdorin shprehje nënçmuese, fyese ose shqetësuese që nxisin emocione të forta negative, shprehje armiqësie ose dëshirë për diskriminim, si dhe nënçmojnë ose zhvlerësojnë malazezët, duke mohuar kombësinë dhe identitetin e tyre”, thuhet në njoftimin e AME-s.
AME vlerësoi se në përmbajtjet e përmendura të këtij televizioni janë keqpërdorur të drejtat e lirisë së shprehjes.
“Duke vlerësuar se kjo është një çështje e interesit publik, mbrojtja e së cilës kërkon zbatimin e masave për të parandaluar nxitjen e urrejtjes, AME arriti në përfundimin se është e justifikuar të kufizohet transmetimi i emisionit problematik për një periudhë gjashtëmujore”.
Në Konventën për Televizionin Ndërkufitar thuhet “se të gjitha programet, për sa i përket paraqitjes dhe përmbajtjes, duhet të respektojnë dinjitetin njerëzor dhe të drejtat themelore të të tjerëve dhe nuk duhet të theksojnë në mënyrë të papërshtatshme dhunën ose të nxisin intolerancën racore dhe se nuk duhet të përmbajnë asnjë nxitje të urrejtjes bazuar në racë, seks, fe ose kombësi”.
Agjencia për Media Elektronike u nxit për veprimin e saj nga paraqitja e fundit i kryetarit të Partisë Radikale Serbe, Vojislav Sheshel në TV Happy ku ofendoi gratë nga Cetina e Malit të Zi.
Fyerjet e Sheshelit shkaktuan reagime të shumta në Mal të Zi si nga partitë politike ashtu edhe nga sektori civil duke paralajmëruar padi ndaj Sheshelit./ VOA
Lajme të tjera
-
Çfarë do të thotë hapja e kufirit energjetik mes Kosovës dhe Serbisë?
4 Nëntor, 17:42 -
Tragjedia me 14 të vdekur në Novi Sad, qindra protestues kërkojnë përgjegjësi prej autoriteteve në Beograd
3 Nëntor, 20:32 -
Beograd/ Bëri simbolin e shqiponjës, arrestohet shtetasi zvicerian, shpallet në kërkim shoku i tij
3 Nëntor, 15:17 -
FOTO/ Tifozët e Spartës së Pragës shfaqën Kosovën si Serbi në stadium, sulmuesi i tyre reagon me shqiponjën dykrenore
3 Nëntor, 14:32 -
Serbi/ Nisin hetimet pas shembjes së strehës në Novi Sad që la 14 të vdekur
2 Nëntor, 13:20 -
Tragjedia në Novi Sad/ Përfundon operacioni i kërkimit, 14 të vdekur! Serbia shpall 2 nëntorin ditë zie
2 Nëntor, 09:56 -
Serbi/ Shembet streha në stacionin e trenit në Novi Sad, 14 viktima (VIDEO)
1 Nëntor, 16:21 -
Serbia: Projektligjet për serbët në Kosovë nuk cënojnë zotimet tona në procesin e dialogut
1 Nëntor, 15:12 -
Shtetet e Bashkuara kritikojnë projektligjet e miratuara nga Serbia që lidhen me Kosovën
1 Nëntor, 09:04 -
Ambasadori rus në OKB: Serbia do kërkojë kthimin e 1 mijë ushtarëve të saj në Kosovë, e mbështesim
31 Tetor, 21:33 -
Ballkani hyn më shpejt në BE?/ Von der Leyen: Përfiton prej tensioneve gjeopolitike
31 Tetor, 17:15 -
Gjykimi i krimeve në Kosovë, SHBA kritikon Serbinë: Ka shkelur detyrimet nga dialogu i Brukselit
31 Tetor, 15:55
