Kryeministri Edi Rama ka ndarë në mediat sociale një dedikim të ndjerë për ndarjen nga jeta të kompozitorit të shquar Agim Krajka.
Kreu i qeverisë shkruan se nuk e di nëse ka pasur një kompozitor tjetër që të jetë fishkëllyer aq shumë sa Agim Krajka në buzët e të dashuruarve të botës së djeshme shqiptare pa youtube e as telefon inteligjent.
‘AGIM KRAJKA që në sytë tanë i dha emrin e tij firzamonikës, iku sot në banesën e fundit. Dibran nga rrënjët por dritën e diellit e pa në Kavajë, 84 vjet më parë, me firzamonikën e të atit pranë djepit. Ajo firzamonikë e pandarë nga kraharori u bë e pandashme nga personaliteti i tij krijues, i cili spikati me këngë të rrezikshme tingujsh të lehtë në atmosferën e rëndë të marsheve komuniste dhe me variacione marramendëse në skenat e këngës popullore.
Nuk e di nëse ka pasur një kompozitor tjetër që të jetë fishkëllyer aq shumë sa Agim Krajka në buzët e të dashuruarve të botës së djeshme shqiptare pa youtube e as telefon inteligjent, po nuk besoj të këtë ndonjë nga banorët e asaj bote që sot nuk ka ndjerë një therje në zemër për shuarjen e burimit të atyre fishkëllimave. U prehtë në paqe!’- shkruan Rama.
Lajme të tjera
-
Ruçi mesazh për ndarjen nga jeta të ‘Artistit të Merituar’ Agim Krajka: Iku pionieri i muzikës shqiptare! Kompozitori i rinisë dhe dashurisë
2 Mars 2021, 15:00 -
Ndarja nga jeta e kompozitorit Agim Krajka, Meta: Humbje e pazëvendësueshme, që na ka lënduar të gjithëve
2 Mars 2021, 11:58 -
Arti shqiptar në zi, shuhet në moshën 83-vjeçare kompozitori i njohur Agim Krajka! Ishte vlerësuar me titullin 'Artist i Popullit'
1 Mars 2021, 23:13 -
3 muaj pas izolimit, artistët koncert në shesh, publiku: Duhet të ketë më shumë aktivitete të tilla! (VIDEO)
22 Qershor 2020, 12:28
-
Pas pandemisë, 'Të gjithë e duam Agim Krajkën' & 500 karrige në sheshin 'Skënderbej', në Ditën Botërore të Muzikës
21 Qershor 2020, 20:35
-
Artistët e Teatrit të Operas dhe Baletit sjellin sonte muzikën e shpirtit
14 Maj 2020, 17:32 -
Kompozitori Sokol Marsi risjell me fëmijët nga shtëpia 'Këngën e gjyshes' (VIDEO)
1 Prill 2020, 12:37
