Ndarja nga jeta e Xhuvanit/ Meta: La pas një trashëgimi të jashtëzakonshme artistike, do kujtohet me respekt

TIRANË- Presidenti Ilir Meta ka përcjellë një mesazh ngushëllimi për ndarjen nga jeta të regjisorit, Gjergj Xhuvani. Në mesazhin e tij, kreu i shtetit vlerëson kontributin e Xhuvanit në kinematografinë shqiptare dhe punën e tij për artin shqiptar.

"Me hidhërim të thellë mësova për ndarjen sot nga jeta të Gjergj Xhuvanit!

Ikja kaq e parakohshme e këtij regjisori të shquar, skenaristi e producenti të spikatur, i cili shkëlqeu përmes punës së palodhur krijuese dhe modestisë fisnike, është një humbje e madhe për artin dhe kinematografinë shqiptare, që Ai i dha një dimension të shquar edhe ndërkombëtar.

I shpreh familjes, miqve e bashkëpunëtorëve të tij ngushëllimet më të thella e të sinqerta për humbjen e të dashurit të tyre!

Gjergj Xhuvani na la pas një trashëgimi të jashtëzakonshme artistike, që nderohet me respekt nga të gjithë e do të mbahet mend gjithmonë.

I përjetshëm kujtimi i Tij", shkruan Meta.

B.K./Shqiptarja.com

TAG:
• Ilir Meta
• gjergj xhuvani