Ndër më të kërkuarit në vend, pamjet e arrestimit të Pjetër Pacanit, si ka ndryshuar pas 13 vitesh! Me automatik në divan e 3 pistoleta

FIER- Pas 13 vitesh në kërkim dhe listën e 50 më të kërkuarve në vend, Pjetër Pacani është arrestuar nga Forcat Operacionale në Fier mbrëmjen e 4 qershorit. I qetë, i veshur me të bardha dhe me mjekër, është ky momenti kur vrasësi i dy personave në vitin 2011 del me pranga në duar nga banesa. Në video dallohet edhe ndryshimi i tij ndër vite, tashmë me mjekër dhe i thinjur.

Pas 13 vitesh në kërkim, Pacani u kap në një banesë në Fier. Brenda shtëpisë iu gjetën edhe armatime, një automatik në divan dhe 3 pistoleta (1 Glock, 1 Zastava dhe 1 TT), municion luftarak, granatahedhës dhe 2 antiplumba.  

"Gjatë operacionit, u kap në një banesë në lagjen “1 Maji”, Fier, dhe u vu në pranga shtetasi: Pjetër Pacani, 61 vjeç, lindur dhe banues në Fushë Kuqe, Laç.    

Në banesën ku u kap ky shtetas, u gjetën dhe u sekuestruan në cilësinë e provës materiale: 3 armë zjarri pistoleta (1 Glock, 1 Zastava dhe 1 TT), 1 armë zjarri automatik, municion luftarak, granatëhedhës dhe 2 antiplumba", njofton policia.      

Pjetër Pacani, i cili asokohe ishte biznesmen ndërtimi, ka vrarë dy persona në vitin 2011, Ndoc Zymaj dhe Vlash Gjeçi në Laç, për një borxh prej 100 mijë eurosh.

Ai u dënua nga Gjykata e Tiranës me 25 vjet burg, për veprat penale “Vrasja në rrethana cilësuese” dhe “Prodhimi dhe mbajtja pa leje e armëve luftarake dhe municionit”.

1717572877_fier.jpg

Armët e sekuestruara në banesë

 

1717574031_pjeterpacani.jpg
Pjetër Pacani dhe foto pas arrestimit

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Gjykata e Apelit i jep vulën e PD-së Berishës, si e vlerësoni?



×

Lajmi i fundit

Vlorë, kishte mungesë dokumentesh, bllokohet jahti, gjobitet 100 mijë lekë pronari

Vlorë, kishte mungesë dokumentesh, bllokohet jahti, gjobitet 100 mijë lekë pronari